ஐதராபாத்தில் தொழிலாளர்கள் மீது கார் மோதி 4 பேர் பலி…!!

தெலுங்கானா மாநிலம் ஐதராபாத்தில் உள்ள கரீம்நகரில் தொழிலாளர்கள் மீது கார் மோதியதில் 4 பேர் உயிரிழந்த சம்பவம் அதிர்ச்சியை ஏற்படுத்தியுள்ளது.

ஐதராபாத் கரீம் நகரில் இன்று காலை கமான் சந்திப்பு அருகே சாலையில் சென்றுகொண்டிருந்த கார் ஒன்று டிவைடர் மீது மோதி நடைபாதையில் அமர்ந்திருந்த தொழிலாளர்கள் மீது மோதியது. இதில் 4 பெண்கள் உயிரிழந்தனர் மற்றும் 3 பேர் படு காயமடைந்தனர்.

இந்த பயங்கர விபத்துக்கு பின் காரில் இருந்த ஓட்டுநரும், உடன் இருந்தவர்களும் தப்பி ஓடிவிட்டனர். காரை ஓட்டிச் சென்றவர் குடிபோதையில் இருந்ததாக கூறப்படுகிறது.

இறந்தவர்களின் 3 பெண்கள் அடையாளம் காணப்பட்டுள்ளனர். ஒருவரின் அடையாளத்தை கண்டறிய முடியவில்லை. இந்த விபத்து குறித்து போலீசார் வழக்கு பதிவு செய்து விசாரணை நடத்தி வருகின்றனர்.

விபத்தில் உயிரிழந்தவர்களின் குடும்பத்தினருக்கு நீதி வழங்க வேண்டும் என பொதுமக்கள் போராட்டத்தில் ஈடுபட்டு வருகின்றனர்.