யாழ்.மாநகர சபையின் திண்மக்கழிவகற்றல் குறைபாடுகளை நிவர்த்தி செய்தல் தொடர்பான கலந்துரையாடல்!! (படங்கள்)

யாழ்.மாநகர சபையின் திண்மக்கழிவகற்றலில் ஏற்பட்டுள்ள குறைபாடுகளை நிவர்த்தி செய்தல் மற்றும் யாழ்.மாநகர சபையில் புதிதாக நியமனம் பெற்றுள்ள வட்டார அபிவிருத்தி உத்தியோகத்தர்களையும் இணைத்து அதனை மேம்படுத்தல் தொடர்பான கலந்துரையாடல் கடந்த இரண்டு நாட்களாக யாழ்.பொதுநூலக கேட்போர் கூடத்தில் நடைபெற்றது.

நேற்று(17) நடைபெற்ற இக் கலந்துரையாடலில் யாழ்.மாநகர சபையின் உறுப்பினர்கள் , யாழ்.மாநகரசபை செயலாளர் மற்றும் வட்டார அபிவிருத்தி உத்தியோகத்தர்கள், பிரட்டு மைய சிரேஷ்ட மேற்பார்வையாளர்கள் ஆகியோர் கலந்து கொண்டனர்.

யாழ்.மாநகர சபையின் வட்டாரகளைப் பிரதிநிதித்துவப்படுத்துகின்ற உறுப்பினர்களுக்கு புதிதாக நியமனம் பெற்றுள்ள தங்களுடைய வட்டார அபிவிருத்தி உத்தியோகத்தர்களை அறிமுகம் செய்யும் ஒரு கலந்துரையாடலாகவும் இடம்பெற்றது.

அத்துடன் யாழ்.மாநகரத்தில் கடந்த 15 நாட்கள் நடைபெற்ற திண்மகழிவகற்றல் தொடர்பாக ஆய்வுசெய்யப்பட்டு அதில் ஏற்பட்டுள்ள குறைபாடுகளை நிவர்த்தி செய்வது தொடர்பாகவும் ஆராயப்பட்டது.
“அதிரடி” இணையத்துக்காக யாழில் இருந்து “கலைநிலா”