பதக்கங்களை வென்ற யாழ்.சிறைச்சாலை உத்தியோகஸ்தருக்கு வரவேற்பு!! (படங்கள், வீடியோ)

மெய்ஜி கோப்பை (MEIJI CUP – 2022) இலங்கை ஓபன் கராத்தே சாம்பியன்சிப் போட்டி2022 ல் வெற்றி பெற்று தங்கப்பதக்கத்தை பெற்ற சிறைச்சாலைகள் கராத்தே அணி வீரருக்கு யாழ்ப்பாண சிறைச்சாலையில் மகத்தான வரவேற்பளிக்கப்பட்டது
மெய்ஜி கோப்பை (MEIJI CUP – 2022) இலங்கை ஓபன் கராத்தே சாம்பியன்சிப் போட்டியில் இலங்கை சிறைச்சாலைகள் அணி வெற்றி பெற்று தங்கப்பதக்கத்தை பெற்றது.

குறித்த போட்டி வென்னப்புவ எஸ்.பீரிஸ் உள்ளக விளையாட்டரங்கில் டிசம்பர் 11ம் திகதி ஞாயிற்றுக்கிழமை நடைபெற்றது
குறித்த கராத்தே சுற்று போட்டியில் பல்வேறு திணைக்கள கராத்தே அணிகள் பங்குபற்றியிருந்த நிலையில் நாடுபூராகவும் சிறைச்சாலைகளில் தெரிவு செய்யப்பட்ட சிறைச்சாலை உத்தியோகத்தர்கள் குறித்த போட்டியில் பங்கு பற்றி இருந்தனர்.
யாழ்ப்பாண சிறைச்சாலையில் கடைமையாற்றும் உத்தியோகத்தர் ஒருவர் குறித்த போட்டியில் பங்கு பற்றியிருந்தநிலையில் சிறைச்சாலை கராத்தே அணி 2022 போட்டியில் வெற்றி பெற்று தங்கப் பதக்கத்தினை பெற்றுக்கொண்டது.

யாழ்ப்பாணம் சிறைச்சாலையில் பணிபுரியும் உத்தியோகத்தர் T. பிரசாத் கலந்து கொண்டு ஒரு தங்கப் பதக்கத்தையும் ஒரு வெள்ளிப் பதக்கத்தையும் பெற்றனர்.
கராத்தே போட்டியில் வெற்றிபெற்ற சிறைச்சாலை உத்தியோகத்தர்களை சிறைச்சாலைகள் ஆணையாளர் நாயகம் துஷார உபுல்தெனிய வாழ்த்துக்களை தெரிவித்தார்.

வெற்றியீட்டிய வீரருக்கு மலர் மாலை அணிவிக்கப்பட்டு பொன்னாடை போர்த்தி வரவேற்பளிக்கப்பட்டது
யாழ்ப்பாண சிறைச்சாலை வளாகத்தில் இடம் பெற்ற குறித்த நிகழ்வில் யாழ்ப்பாண சிறைச்சாலையின் சிறைச்சாலை அத்தியட்சகர் யாழ்ப்பாண சிறைச்சாலையின் பிரதம பொறுப்பதிகாரி மற்றும் யாழ்ப்பாண சிறைச்சாலை உத்தியோகத்தர்கள் கலந்து கொண்டனர்.
“அதிரடி” இணையத்துக்காக யாழில் இருந்து “கலைநிலா”