இந்தியாவில் புதிதாக 55 பேருக்கு கொரோனா பாதிப்பு!!

இந்தியாவில் கொரோனா தினசரி பாதிப்பு நேற்று 51 ஆக இருந்தது. இன்று புதிதாக 55 பேருக்கு தொற்று உறுதி செய்யப்பட்டுள்ளதாக மத்திய சுகாதாரத்துறை தெரிவித்துள்ளது. இதுவரை பாதிக்கப்பட்டவர்களின் மொத்த எண்ணிக்கை 4 கோடியே 49 லட்சத்து 93 ஆயிரத்து 872 ஆக உயர்ந்துள்ளது. தொற்று பாதிப்பில் இருந்து நேற்று 113 பேர் நலம் பெற்றுள்ளனர்.

இதுவரை குணமடைந்தவர்களின் மொத்த எண்ணிக்கை 4 கோடியே 44 லட்சத்து 60 ஆயிரத்து 316 ஆக உயர்ந்துள்ளது. தற்போது 1,653 பேர் சிகிச்சையில் உள்ளனர். கொரோனா பாதிப்பால் நேற்று மகாராஷ்டிராவில் ஒருவர் இறந்துள்ளார். இதுவரை பலியானவர்களின் மொத்த எண்ணிக்கை 5 லட்சத்து 31 ஆயிரத்து 903 ஆக உயர்ந்துள்ளது.