ஜனாதிபதி ரணில் நாளை சீனாவிற்கு விஜயம்

ஜனாதிபதி ரணில் விக்ரமசிங்க நாளைய தினம் சீனாவிற்கு அதிகாரப்பூர்வ விஜயமொன்றை மேற்கொள்ள உள்ளார்.

சீன அரசாங்கத்துடன் பேச்சுவார்த்தை
நாட்டின் கடன் மறுசீரமைப்பு திட்டம் தொடர்பில் ஜனாதிபதி சீன அரசாங்கத்துடன் பேச்சுவார்த்தை நடத்த திட்டமிட்டுள்ளார்.

ஜனாதிபதி ரணில் சீன ஜனாதிபதி ஸீ ஜின் பிங்குடன் விசேட சந்திப்பு ஒன்றை நடத்த உள்ளார்.

ஜனாதிபதியின் சீன விஜயம் காரணமாக அடுத்த வாரத்திற்கான அமைச்சரவை கூட்டம் நேற்றைய தினம் நடைபெற்றது.

இந்த அமைச்சரவை கூட்டத்தின் போது அரசாங்கத்தின் எதிர்கால திட்டங்கள் தொடர்பில் நீண்ட கலந்துரையாடல் நடைபெற்றதாகவும் சில அமைச்சரவை பத்திரங்கள் தொடர்பில் அனுமதி வழங்கப்பட்டதாகவும் தெரிவிக்கப்படுகிறது.