வடகொரியா உளவு செயற்கைக்கோள் எதிரொலி : மீண்டும் தலைதூக்கும் போர் பதற்றம்!

கொரிய தீபகற்பத்தில் மீளவும் போர் பதற்றங்கள் அதிகரித்துள்ளது.

வடகொரியா உளவு செயற்கைக்கோளை ஏவியதனை முன்னிட்டே இப்பதற்ற நிலை தோற்றம் பெற்றுள்ளது.

இந்நிலையில், வடகொரிய உளவு செயற்கைக்கோளை ஏவியதை கண்டித்துள்ள தென்கொரிய அரசு, 2018 ஆம் ஆண்டு வடகொரியா உடன் மேற்கொண்ட ராணுவ ஒப்பந்தத்தின் சில சரத்துகளை ரத்து செய்வதாக தெரிவித்துள்ளது.

இருநாடுகளுக்கிடையிலான ஒப்பந்தம்
இருநாடுகள் இடையே போர் பதற்றத்தை தணிக்கும் விதமாக 5 ஆண்டுகளுக்கு முன் எல்லையை ஒட்டி 5 கிலோமீட்டர் சுற்றளவில் ராணுவத்தை குவிக்கவோ, போர் ஒத்திகை மேற்கொள்ளவோ கூடாது என ஒப்பந்தம் கையெழுத்தானது.

தற்போது, உளவு செயற்கைக்கோளை ஏவி இருப்பதால், வட கொரிய எல்லையில் கண்காணிப்பை தீவிரப்படுத்தப்போவதாக தென்கொரிய தெரிவித்துள்ளது.

மேலும் அதற்கு பதிலாக, அதி நவீன ஆயுதங்களுடன் எல்லையில் ராணுவத்தை குவிக்கப்போவதாக வடகொரியா எச்சரிக்கை விடுத்துள்ளது.