இலங்கைக்கு உத்தியோகபூர்வ விஜயம் மேற்கொள்ளவுள்ள பிரித்தானியா இளவரசி

பிரித்தானிய இளவரசி ஹேன் நாளைய தினம் (10.01.2024) இலங்கைக்கு உத்தியோகப்பூர்வ விஜயம் ஒன்றை மேற்கொள்ளவுள்ளார்.

இலங்கைக்கும் பிரித்தானியாவுக்கும் இடையிலான இராஜதந்திர உறவின் 75 ஆண்டு கால நிறைவை முன்னிட்டு, இடம்பெறவுள்ள நிகழ்வுகளில் பங்கேற்குமாறு இலங்கை அரசாங்கம் விடுத்த அழைப்புக்கு அமைய, அவரது விஜயம் அமையவுள்ளது.

இந்த விஜயத்தின் போது பிரித்தானிய இளவரசியின் கணவர், வைஸ் அட்மிரல் சேர் டிம் லோரன்ஸும் இலங்கை வரவுள்ளதாக தெரிவிக்கப்படுகிறது.

எதிர்வரும் (13.01.2024) ஆம் திகதி வரை நாட்டில் தங்கியிருக்கும் அவர்கள் கண்டி, யாழ்ப்பாணம் ஆகிய பகுதிகளுக்கு செல்லவுள்ளதாக இலங்கை வெளிவிவகார அமைச்சு அறிவித்துள்ளது.