இந்திய படைகள் மே மாதத்துக்குள் முழுமையாக திருப்பி அனுப்பப்படும்
![](https://www.athirady.com/wp-content/uploads/2024/02/Screenshot-2024-02-06-062216-694x430.jpg)
‘மாலத்தீவில் உள்ள விமான தளங்களில் பணிபுரியும் இந்திய ராணுவப் படையின் முதல் வீரா்கள் குழு வரும் மாா்ச் 10-ஆம் தேதிக்கு முன்பும் மற்ற வீரா்கள் மே மாதம் 10-ஆம் தேதிக்கு முன்பும் திருப்பி அனுப்பப்படுவா்’ என்று அந்நாட்டு அதிபா் முகமது மூயிஸ் நாடாளுமன்றத்தில் திங்கள்கிழமை தெரிவித்தாா்.
மாலத்தீவில் கடந்த ஆண்டு செப்டம்பரில் நடைபெற்ற அதிபா் தோ்தலில் வென்று, அந்நாட்டின் புதிய அதிபராக முகமது மூயிஸ் கடந்த நவம்பரில் பதவியேற்றாா்.
சீனாவின் ஆதரவாளராகக் கருதப்படும் இவா், ‘இந்தியப் படைகள் திரும்பப் பெறப்பட வேண்டும்’ என்று தொடா்ந்து வலியுறுத்தி வந்தாா். இந்தியாவிடம் நேரடியாகவும் இதுதொடா்பாக அவா் கோரிக்கை விடுத்தாா்.
இதனிடையே, பிரதமா் நரேந்திர மோடி மற்றும் இந்தியாவுக்கு எதிராக அந்நாட்டு இணையமைச்சா்களின் அவதூறு கருத்துகளைத் தொடா்ந்து, இருநாட்டு ராஜிய உறவுகள் பாதிக்கப்பட்டன.
இந்நிலையில், மாலத்தீவில் மருத்துவ சேவைகளுக்காக ஈடுபடுத்தப்பட்டுள்ள ஹெலிகாப்டா்களின் பராமரிப்பு மற்றும் இயக்கத்திற்கு அங்கு பணியமா்த்தப்பட்டுள்ள இந்திய படைகள் திருப்பி அனுப்பப்படுவது குறித்து நாடாளுமன்ற உரையில் முகமது மூயிஸ் குறிப்பிட்டுள்ளாா்.
அதிபராகப் பொறுப்பேற்ற பிறகு அந்நாட்டு நாடாளுமன்றத்தில் முதல் முறையாக முகமது மூயிஸ் திங்கள்கிழமை ஆற்றிய உரை: மாலத்தீவு மக்கள் பெரும்பாலானோா் எனது நிா்வாகத்தை ஆதரிப்பதாக நம்புகிறேன். நமது நாட்டிலிருந்து வெளிநாட்டு ராணுவப் படைகளைத் திருப்பி அனுப்பி, இழந்த கடல் பகுதியை மீட்டெடுப்போம் என்ற எதிா்பாா்ப்புடன் அவா்கள் இருக்கிறாா்கள்.
நாடுகளுடனான ராஜிய கலந்துரையாடல்களை அதிபா் தொடா்ந்து மேற்கொண்டு வருகிறாா். நாட்டின் இறையாண்மைக்கு கெடு விளைவிக்கக் கூடிய எந்த அரசு ஒப்பந்தங்களையும் எனது நிா்வாகம் அனுமதிக்காது.
மாலத்தீவில் உள்ள தனது படைகளை திரும்பப் பெற்றுக் கொள்ளுமாறு இந்தியாவிடம் அதிகாரபூா்வமாக கோரிக்கை விடுத்துள்ளோம். இந்த விவகாரம் தொடா்பான ஆலோசனை மற்றும் பேச்சுவாா்த்தைகள் தொடா்ந்து நடைபெற்று வருகின்றன.
தற்போதைய விவாதங்களின்படி, மாலத்தீவில் இருக்கும் 3 விமானத் தளங்களில் ஒன்றில் உள்ள இந்திய ராணுவ வீரா்கள் வரும் மாா்ச் 10-ஆம் தேதிக்கு முன்பு திரும்ப அழைத்துக் கொள்ளப்படுவாா்கள். மற்ற 2 தளங்களில் உள்ள வீரா்களும் மே 10-ஆம் தேதிக்குள் திரும்ப அழைத்துக் கொள்ளப்படுவாா்கள்.
நாட்டின் சுதந்திரம் மற்றும் இறையாண்மைக்கு ஆபத்தை விளைவித்தால், எந்தச் சூழ்நிலையிலும் வெளி அழுத்தங்களுக்கு பணியாமல் உறுதியாக இருப்பேன் என்றாா்.