என் தந்தைக்கு நீங்கள் ஆதரவாக அனுப்பிய செய்திகளுக்கு நன்றி! உருக்கத்துடன் பேசிய இளவரசர் வில்லியம்

மன்னர் சார்லஸின் நலம் விரும்பிகளுக்கு இளவரசர் வில்லியம் நன்றி தெரிவித்துள்ளார்.

அறக்கட்டளைக்கு வருகை
புற்றுநோயால் மன்னர் சார்லஸ் பாதிக்கப்பட்டுள்ளதாக தெரிவிக்கப்பட்ட நிலையில், இளவரசர் வில்லியம் லண்டனின் ஏர் ஆம்புலன்ஸ் அறக்கட்டளைக்கு வருகை தந்தார்.

தனது மனைவியின் அறுவை சிகிச்சை மற்றும் தந்தையின் புற்றுநோய் கண்டறிதலுக்கு பின் வில்லியமின் முதல் நிகழ்ச்சி இதுவாகும்.

இதில் கலந்துகொண்ட விருந்தினர்களில் ஒருவராக ஹாலிவுட் நடிகர் டாம் குரூஸும் இருந்தார். அவர் வில்லியமுடன் கைகுலுக்கி புகைப்படம் எடுத்துக் கொண்டார்.

உருக்கத்துடன் பேசிய இளவரசர் வில்லியம்
அப்போது அவர், ”அனைவரின் அன்பான செய்திகளை நாங்கள் மிகவும் பாராட்டுகிறோம். நன்றி” என்றார்.

மேலும் பேசிய வில்லியம், ‘கேத்தரினுக்கும், எனது தந்தைக்கும் ஆதரவாக நீங்கள் அனுப்பிய செய்திகளுக்கு நன்றி கூற இந்த வாய்ப்பைப் பயன்படுத்த விரும்புகிறேன், குறிப்பாக சமீபத்திய நாட்களில். இது நம் அனைவருக்கும் ஒரு பெரிய விடயம்’ என தெரிவித்தார்.