புளொட் சிரேஷ்ட உபதலைவர் ‘ஆர் ஆர்’ நினைவாக இலவச குடி நீர் திட்டம் ஆரம்பித்து வைப்பு!
புளொட் சிரேஷ்ட உபதலைவர் ‘ஆர் ஆர்’ நினைவாக இலவச குடி நீர் திட்டம் ஆரம்பித்து வைப்பு!
தமிழீழ மக்கள் விடுதலை கழகத்தின் (புளொட்) முக்கியஸ்தர் வேலாயுதம் நல்லநாதர் (ஆர் ஆர்) நினைவாக இலவச குடிநீர்திட்டம் இன்று (23.03) ஆரம்பித்து வைக்கப்பட்டது.
வவுனியா, கோவில்குளத்தில் அமைந்துள்ள உமாமகேஸ்வரன் நினைவு இல்லத்தில் குறித்த இலவச குடிநீர்த்திட்டம் புளொட் தேசிய அமைப்பாளர் பீற்றர் அவர்களின் ஒழுங்கமைப்பில் ஆரம்பித்து வைக்கப்பட்டதுடன், தாகசாந்தி நிலையமும் திறந்து வைக்கப்பட்டது.
நிகழ்வில் தமிழீழ மக்கள் விடுதலை கழகத்தின் முன்னாள் வடமாகாணசபை உறுப்பினர்களான ஜி.ரி.லிங்கநாதன், க.சிவனேசன், புளொட் வவுனியா மாவட்டப் பொறுப்பாளரும், வவுனியா நகரசபையின் முன்னாள் உபநகர பிதா சந்திரகுலசிங்கம், மற்றும் கழகத்தின் முக்கிஸ்தர்கள், அன்னாரது உறவினர்கள் எனப் பலரும் கலந்து கொண்டனர்.
