இனி தைரியமாக LIKE செய்யலாம்! X தளத்தின் புதிய தனியுரிமைக்கான Privacy அப்டேட்

எலான் மஸ்க்கின் சமூக ஊடக தளமான “X” இந்த வாரம் “தனிப்பட்ட லைக்குகள்” என்ற பெயரில் புதிய அம்சத்தை அறிமுகப்படுத்தவுள்ளது.

X தளத்தின் புதிய அப்டேட்
சமூக ஊடக தளமான X, முன்னாள் ட்விட்டர் இந்த வாரம் “தனிப்பட்ட லைக்குகள்” என்ற புதிய அம்சத்தை அறிமுகப்படுத்தவுள்ளது.

இதன் மூலம், மற்றவர்கள் பார்க்காமல் பதிவுகளை நீங்கள் இனி லைக் செய்யும் அம்சம் இணைக்கப்பட்டுள்ளது.

இது எப்படி வேலை செய்கிறது
இந்த புதிய அப்டேட்டிற்கு பிறகு, நீங்கள் லைக் செய்த அனைத்து பதிவுகளையும் உங்களால் தொடர்ந்து பார்க்க முடியும், ஆனால் மற்றவர்கள் நீங்கள் எதை லைக் செய்தீர்கள் என்பதை பார்க்க முடியாது.

ஒரு பதிவில் உள்ள மொத்த லைக்குகளின் எண்ணிக்கை உங்களால் பார்க்க முடியும், ஆனால் யார் லைக் செய்தார்கள் என்பதை நீங்கள் பார்க்க முடியாது. (உங்கள் சொந்த பதிவுகளில் உள்ள லைக்குகளை தவிர).

பொது லைக்குகள் “தேவையற்ற நடத்தைக்கு” வழிவகுத்ததாக X நம்புகிறது. ஏனெனில் சில பயனர்கள் குறிப்பிட்ட உள்ளடக்கத்தை லைக்கு செய்வதைத் தவிர்க்க வேண்டிய அழுத்தம் இருந்தது.

இந்த அம்சம் முற்றிலும் புதியது அல்ல. முன்னதாக, X பிரீமியம் பயனர்கள் மட்டுமே தங்கள் லைக்குகளை மறைக்க முடியும். இப்போது, அனைவருக்கும் இந்த தனிப்பட்ட தன்மை கிடைக்கிறது.

மேலும் இதன் மூலம் X பயனர்களின் பிரைவசி பாதுகாக்கப்படுகிறது.