அணு ஆயுத எண்ணிக்கையில் பாகிஸ்தானை பின்தள்ளி இந்தியா முன்னிலை

பாகிஸ்தானை(Pakistan) விட இந்தியாவிடம்(India) அணு ஆயுதங்கள் அதிகமாக உள்ளதாக ஸ்டாக்ஹோம் சர்வதேச அமைதி ஆராய்ச்சி நிறுவனம் (SIPRI) தகவல் வெளியிட்டுள்ளது.

மேலும், சீனா(China) அணு ஆயுதங்களை அதிகரித்துள்ளதாகவும் குறிப்பிடப்பட்டுள்ளது.

கடந்த இரண்டு ஆண்டுகளில் உக்ரைன்-ரஷ்யா போர்(Ukraine Russia), இஸ்ரேல்-காசா போர்(Israel- Gaza) என உலகம் இரண்டு போர்களை பார்த்துள்ளது.

இரண்டு போர்
இதனால் இந்தியா, பாகிஸ்தான், சீனா உள்ளிட்ட அணு ஆயுதங்கள் கொண்ட 9 நாடுகள் அவர்களுடைய ஆயுதங்களை நவீனப்படுத்தத் தொடங்கியுள்ளன என SIPRI கூறுகிறது.

உலகளவில் உள்ள அணு ஆயுதங்களில் 90 சதவீதத்தை அமெரிக்கா மற்றும் ரஷ்யா ஆகிய இரண்டு நாடுகளும் பெற்றுள்ளன.

2023-ல் பல நாடுகள் புதிய அணு ஆயுதங்களை உருவாக்கியுள்ளன. 2100 அணு ஆயுதங்களில் பெரும்பாலானவை அமெரிக்கா மற்றும் ரஷ்யாவிடம் உள்ளன, மற்றும் பாலிஸ்டிக் ஏவுகணைகள் மூலம் செலுத்தப்படும் வகையில் வைக்கப்பட்டுள்ளன.

அணு ஆயுதங்கள்
இந்தியாவுக்கு 172 அணு ஆயுதங்கள் உள்ளன, 2024 ஜனவரி கணக்குப்படி இது பாகிஸ்தானைவிட இரண்டு அதிகம்.

இந்தியாவின் அணு ஆயுதத்தை தடுப்பதில் பாகிஸ்தான் முக்கிய கவனம் செலுத்துகிறது.

அதே நேரத்தில், சீனா முழுவதும் இலக்குகளை அடையும் திறன் கொண்ட நீண்ட தூர ஆயுதங்களுக்கு இந்தியா அதிக முக்கியத்துவம் கொடுத்து வருவதாக தெரிவித்துள்ளது.

சீனா வேகமாக அணு ஆயுதங்களை அதிகரித்து வருகிறது. 2023-ல் 410 அணு ஆயுதங்கள் இருந்த நிலையில், 2024 ஜனவரி நிலவரப்படி அதை 500 ஆக உயர்த்தியுள்ளமை குறிப்பிடத்தக்கது.