குஜராத் TO லண்டன் சென்ற குடும்பத்தினர்! 73 நாட்களில் 16 நாடுகள் வழியாக பயணம்
குஜராத் மாநிலத்தைச் சேர்ந்த குடும்பத்தினர் அகமதாபாத்தில் இருந்து லண்டனுக்கு பழைய காரில் சென்ற வீடியோ சமூக வலைதளங்களில் வைரலாகி வருகிறது.
லண்டன் பயணம்
இந்திய மாநிலமான குஜராத்தைச் சேர்ந்த தமன் தாக்கூர் மற்றும் அவரது குடும்பத்தினர் பழைய காரில் அகமதாபாத்தில் இருந்து லண்டனுக்கு கடந்த ஆண்டு பயணம் மேற்கொண்டனர்.
கடந்த 1950-ம் ஆண்டுகளில் அறிமுகமான அந்த பழைய கார் 73 வருட பாரம்பரியம் கொண்டது. இந்த காரில் 16 நாடுகள் வழியாக 13 ஆயிரத்து 500 கிலோ மீட்டர் வரை சாலை பயணம் சென்று லண்டனுக்கு சென்றடைந்தனர். அங்கு செல்வதற்கு 2.5 மாதங்கள் ஆகியுள்ளது.
கடந்த ஆண்டு ஒக்டோபரில் லண்டனை அடைந்த நிலையில் தங்களது வெற்றிப்பயணம் தொடர்பான வீடியோவை குடும்பத்தினர் தயாரித்துள்ளனர்.
இந்த வீடியோவை இன்ஸ்டாகிராமில் பகிர்ந்த அமன் தாக்கூர், 73 நாட்களில் 13 ஆயிரத்து 500 கிலோ மீட்டர் பயணம் செய்து இந்தியாவில் இருந்து இங்கிலாந்துக்கு வந்து சேர்ந்தோம் என பதிவிட்டுள்ளார்.