சுற்றுலா பயணி தவறவிட்ட Apple போன்.., திரும்ப ஒப்படைக்க ஆட்டோ ஓட்டுநர்கள் செய்த நெகிழ்ச்சி செயல்

ஆட்டோவில் வந்த சுற்றுலா பயணி ஆப்பிள் செல்போனை தவற விட்டு சென்றதால் ஆட்டோ ஓட்டுநர்கள் அவர் சென்று பேருந்தை துரத்தி பிடித்து திரும்ப ஒப்படைத்துள்ளனர்.

திரும்ப ஒப்படைப்பு
புதுச்சேரி செட்டித்தெரு – மிஷின் வீதி சந்திப்பில் இருக்கும் ஆட்டோ ஸ்டாண்டில் சீனிவாசன் என்பவரது ஆட்டோவில் நேபாளத்தைச் சேர்ந்த பெண் சுற்றுலா பயணி எறியுள்ளார்.

அவர், தான் கையில் வைத்திருந்த ஆப்பிள் செல்போனை ஆட்டோவிலேயே தவறவிட்டு சென்றுள்ளார். பின்னர், ஆட்டோவின் பின் இருக்கையில் செல்போன் இருப்பதை பார்த்த ஓட்டுநர் சீனிவாசன், உடனே அந்தப் பயணியை இறக்கிவிட்ட தங்கும் விடுதிக்குச் சென்றுள்ளார்.

ஆனால், அங்கு சுற்றுலா பயணி இல்லாததால், விடுதியில் அவர் கொடுத்திருந்த செல்போன் எண்களை தொடர்புகொண்டு போன் தவறவிட்டது குறித்து தகவல் தெரிவித்தார்.

அதற்கு அவர், தான் ஊருக்கு கிளம்பி விட்டதாகவும், தான் செல்லும் பேருந்து ஈசிஆரில் சென்று கொண்டிருப்பதாகவும் கூறியுள்ளார்.

பின்னர், சக ஆட்டோ ஓட்டுநர்கள் உதவியுடன் அந்த சுற்றுலா பயணி சென்று கொண்டிருந்த பேருந்தை துரத்தி பிடித்து செல்போனை திரும்ப ஒப்படைத்துள்ளார். அப்போது அந்த பெண் சுற்றுலா பயணி ஆட்டோ ஓட்டுநருக்கு மனப்பூர்வமாக நன்றி தெரிவித்தார்.