கேக் தின்பண்டத்தில் மனித பல்: அமெரிக்க சூப்பர் மார்க்கெட் மீது பெண் புகார்

அமெரிக்காவில் சூப்பர் மார்க்கெட் ஒன்றில் விற்பனை செய்யப்பட்ட மூன் கேக் ஒன்றில் மனித பல் கண்டுபிடிக்கப்பட்டது அதிர்ச்சியை ஏற்படுத்தியுள்ளது.

தின்பண்டத்தில் மனித பல்
அமெரிக்காவை தளமாகக் கொண்ட சூப்பர் மார்க்கெட் சங்கிலியான சாம்ஸ் கிளப்(Sam’s Club), தனது ஒரு கடையில் வாங்கப்பட்ட மூன் கேக்கில்(mooncake) மனித பல் கண்டறியப்பட்டதை அடுத்து விசாரணைக்கு உள்ளாகியுள்ளது.

இந்த சம்பவம் பொதுமக்களிடையே கொந்தளிப்பை ஏற்படுத்தியுள்ளதுடன், நிறுவனம் மற்றும் உள்ளூர் அதிகாரிகள் இருவராலும் விசாரணைகள் நடத்தப்பட்டு வருகின்றன.

அறிக்கைகளின்படி, பெண் ஒருவர் டூயின்(Douyin) சமூக ஊடக தளத்தில் சாங்க்ஸோவில் (Changzhou)வாங்கிய 30 யுவான் (அமெரிக்க டாலர் 4) மீட்-ஃபில்ட் மூன் கேக்-கில்(meat-filled mooncake) பல் ஒன்றை காட்டும் வீடியோவை வெளியிட்டார்.

அந்த பல் தனது குடும்ப உறுப்பினர்களில் யாருடையதும் இல்லை என்றும், இந்த சம்பவத்தை பொலிஸில் புகார் செய்திருப்பதாகவும் அவர் தெரிவித்துள்ளார்.

விசாரணை
சாங்க்ஸோவில் உள்ள சாம்ஸ் கிளப் இந்த சம்பவத்தை ஒப்புக் கொண்டு, தீவிர விசாரணை நடத்தப்பட்டு வருவதாக தெரிவித்துள்ளது.

மேலும் தொடர்புடைய அரசுத் துறையும் இந்த விவகாரத்தில் தனது சொந்த விசாரணையைத் தொடங்கியுள்ளது..