தேசியப் பட்டியலில் ரவி கருணாநாயக்க

நடைபெற்று முடிந்த இலங்கை நாடாளுமன்றத் தேர்தல் முடிவுகளின்படி, புதிய ஜனநாயக முன்னணிக்கு (சிலிண்டர்) இரண்டு தேசியப் பட்டியல் ஆசனங்கள் கிடைத்திருந்தது.

அதற்கமைய, குறித்த தேசியப் பட்டியலக்கு முன்னாள் அமைச்சர் ரவி கருணாநாயக்க பெயரிடப்பட்டுள்ளதாக கட்சி வட்டாரங்கள் தெரிவிக்கின்றன.

கருணாநாயக்காவை நியமிப்பதற்கு பலர் எதிர்ப்பு
எவ்வாறாயினும், மற்றைய தேசிய பட்டியல் உறுப்பினர் தெரிவு குறித்து விரைவில் தேர்தல் ஆணைக்குழுவுக்கு அறிவிக்கவுள்ளதாக தெரியவருகிறது.

அதேவேளை 2024 பொதுத் தேர்தலில் எரிவாயு சிலிண்டர் சின்னத்தில் போட்டியிட்ட புதிய ஜனநாயக முன்னணி 500,835 வாக்குகளைப் பெற்று 2 தேசியப் பட்டியல் ஆசனங்களைக் கைப்பற்றி இருந்தமை குறிப்பிடத்தக்கது.

இந்நிலையில் ரவி கருணாநாயக்காவை தேசியப் பட்டியல் எம்பி.யாக நியமிப்பதற்கு பலர் எதிர்ப்புத் தெரிவித்துள்ளதாக கூறப்படுகின்றது.

எனினும் அவர் எதேச்சையாக பாராளுமன்ற உறுப்பினராவதற்கு முயற்சிக்கப்படுவதாக குற்றம் சுமத்தப்பட்டுள்ளது.