ஒரே நாளில் 12 விமானங்கள் ரத்து; பயணிகள் அவதி!

சென்னை விமான நிலையத்தில் இருந்து இன்று 12 ஏர் இந்திய விமானங்கள் திடீரென ரத்து செய்யப்பட்டதால் பயணிகள் பெரும் அவதிக்குள்ளாகி இருந்தனர்.

சென்னை விமான நிலையில், நிர்வாக காரணங்களால் இன்று ஒரே நாளில் ஏர் இந்திய நிறுவனத்தை சேர்ந்த 12 விமானங்கள் ரத்து செய்யப்பட்டுள்ளது.

பயணிகள் பெரும் அவதி
சென்னையில் சர்வதேச விமான நிலையத்தில் உள்நாடு மற்றும் வெளிநாடு என தினமும் பல்வேறு விமானங்கள் இயக்கப்பட்டு வருகிறது.

இதில் தினமும் ஆயிரக்கணக்கான பயணிகள் பயணம் செய்து வருகின்றனர். ஒரு திடீரென ஏற்படும் இயந்திர கோளாறு காரணமாக விமானங்கள் ரத்து செய்யப்படுவது வழக்கம்.

இந்த நிகழ்வு அவ்வப்போது நடந்து வரும் நிலையில், கடந்த சில வாரங்களாக விமான பயணத்தில் திடீர் மாற்றங்கள் நிகழ்ந்து வருகிறது.

கடந்த சில நாட்களுக்கு முன்பு, திருச்சி மற்றும் மதுரை விமான நிலையத்தில் விமானம் தரையிறங்குவதில் சிக்கல் ஏற்பட்டது பெரும் பரபரப்பை ஏற்படுத்திய நிலையில், தற்போது சென்னை விமான நிலையத்தில் ஒரே நாளில், 12 ஏர் இந்தியா நிறுவனத்தின் விமானங்கள் திடீரென ரத்து செய்யப்படுவதாக அறிவிக்கப்பட்டுள்ளது.

இந்த 12 விமானங்களும் ஏர் இந்தியா நிறுவனத்தை சேர்ந்த விமானங்கள் என்றும் நிர்வாக காரணங்கள், காரணமாக இந்த விமானங்கள் ரத்து செய்யப்பட்டுள்ளதாகவும், விமான நிலைய அதிகாரிகள் கூறியுள்ளனர்.