பிரான்ஸ் தலைநகரில் 60 வயது நபரை சுட்டுக்கொன்ற 77 வயது முதியவர்

பிரான்ஸ் தலைநகர் பாரீஸில், 77 வயது முதியவர் ஒருவர் மெக்டொனால்ட்ஸ் உணவகம் ஒன்றிற்குள் நுழைந்து 60 வயது நபர் ஒருவரை சுட்டுக்கொன்றார்.

முன்விரோதம்
இந்த சம்பவம் முன்விரோதம் காரணமாக நடைபெற்றதாக பெயர் வெளியிடவிரும்பாத ஒருவர் தெரிவித்துள்ளார்.

அந்த 77 வயது முதியவர், தனக்கு அறிமுகமான அந்த 60 வயது நபரை நோக்கி நான்கு முறை துப்பாக்கியால் சுட்டுள்ளார்.

மிரட்டிப் பணம் பறிக்கும் கும்பல் ஒன்றுடன் இந்த நபர்களுக்கு தொடர்பிருப்பதாகவும், அதில் ஏற்பட்ட முன்விரோதம் காரணமாகவே இந்த கொலை நடந்ததாகவும் கூறப்படுகிறது.

இதற்கிடையில், துப்பாக்கியால் சுட்ட அந்த முதியவர், அந்த உணவகத்திலிருந்து தப்பியோட முயற்சிக்கவில்லை என்றும், பொலிசார் அவரை அங்கு வைத்தே கைது செய்ததாகவும் பெயர் வெளியிடவிரும்பாத பொலிஸ் துறையைச் சேர்ந்த ஒருவர் தெரிவித்துள்ளார்.