சாலையோரம் தூங்கிய தமிழர்கள் மீது லாரி ஏறி விபத்து – 5 பேர் துடிதுடித்து பலி!

லாரி ஏறியதில் 5 தமிழர்கள் சம்பவ இடத்திலேயே உயிரிழந்தனர்.

கேரளா, திருச்சூரில் தமிழகத்தை சேர்ந்த சிலர் வேலைக்காக சென்றுள்ளனர். அவர்களில் சிலர் சாலையோரத்தில் படுத்து தூங்கிக் கொண்டிருந்தனர்.

அப்போது அந்த வழியாக அதிவேகமாக வந்த லாரி ஒன்று சாலையோரம் தூங்கிக் கொண்டிருந்தவர்களின் மீது ஏறி இறங்கியது. இந்த பயங்கர விபத்தில் 2 சிறுவர்கள் உட்பட 5 பேர் சம்பவ இடத்திலேயே உயிரிழந்தனர்.

7 பேர் படுகாயம் அடைந்த நிலையில், மருத்துவமனையில் அனுமதிக்கப்பட்டுள்ளனர். தற்போது இந்த சம்பவம் தொடர்பாக விபத்தை ஏற்படுத்திய லாரி ஓட்டுநர் மற்றும் உதவியாளர் கைது செய்யப்பட்டுள்ளனர்.

தொடர் விசாரணையில், லாரி ஓட்டுநர் குடிபோதையில் விபத்தை ஏற்படுத்தியது தெரியவந்துள்ளது.