பிரித்தானியருக்கு அடித்த மிகப்பெரிய அதிர்ஷ்டம்! லொட்டரி £177 மில்லியன் தொகை வெற்றி

பிரித்தானியாவை சேர்ந்த அதிர்ஷ்டசாலி ஒருவர் யூரோ மில்லியனில் சுமார் £177 மில்லியன் பவுண்ட் பரிசு தொகை வென்றுள்ளார்.

லொட்டரியில் அடித்த அதிர்ஷ்டம்

செவ்வாய்க்கிழமை நடந்த யூரோ மில்லியன்ஸ் லொட்டரியில் அதிர்ஷ்டசாலியான பிரித்தானியர் சுமார் 177 மில்லியன் பவுண்ட் என்ற மகத்தான தொகையை வென்றிருப்பதாகக் தெரிவித்துள்ளார்.

இந்த லொட்டரி டிக்கெட்டானது தற்போது விரிவான சரிபார்ப்பு செயல்முறைக்கு உட்படுத்தப்படும்.

வெற்றி உறுதி செய்யப்பட்டால், வெற்றியாளரான பிரித்தானியர் மூன்றாவது பெரிய தேசிய லொட்டரி வெற்றியாளர் ஆக கருதப்படுவார்.

தேசிய லொட்டரியின் இயக்குநரான Allwyn நிறுவனத்தின் மூத்த வெற்றியாளர் ஆலோசகர் ஆண்டி கார்டர் தெரிவித்த கருத்தில், கோரிக்கை வந்ததில் மகிழ்ச்சி அடைகிறோம், மேலும் டிக்கெட் வாங்கியவருக்கு அனைத்து தேவையான ஆதரவையும் வழங்குவோம் என்று தெரிவித்துள்ளார்.

இந்த மகத்தான பரிசு தொகை, சமீபத்திய சண்டே டைம்ஸ் பணக்காரர் பட்டியலின்படி, ஹாரி ஸ்டைல்ஸ் மற்றும் அந்தோணி ஜோஷுவா போன்ற பிரபலங்களின் நிகர சொத்து மதிப்பை விட அதிகமாகும்.

2022 ஜூலையில், 195 மில்லியன் பவுண்ட் என்ற சாதனை யூரோ மில்லியன்ஸ் பரிசை பிரித்தானிய லொட்டரி அதிர்ஷ்டசாலி ஒருவர் வாங்கி இருந்தது குறிப்பிடத்தக்கது.