சிட்னியில் புத்தாண்டு கொண்டாட்டத்தில் முக்கிய அம்சத்தை கைவிட முடிவு

சிட்னியின் மிகப் பிரபலமான புத்தாண்டு வானவேடிக்கையானது இந்த ஆண்டு ரத்து செய்யப்படலாம் என்ற தகவல் வெளியாகியுள்ளது.

பாதுகாப்பு குறித்து கவலை
ஊதிய உயர்வு கோரி ரயில், டிராம் மற்றும் பேருந்து சங்கம் (RTBU) மேற்கொண்டு வரும் தொழில்துறை நடவடிக்கையின் காரணமாகவே இந்த முடிவு என கூறப்படுகிறது.

நியூ சவுத் வேல்ஸ் காவல்துறை ஆணையர் கரேன் வெப் தெரிவிக்கையில் ஆண்டுதோறும் நடைபெறும் இந்தக் காட்சியைக் காண அதிக அளவில் கூடும் உல்லாசப் பயணிகளின் பாதுகாப்பு குறித்து தமக்கு கடுமையான கவலை இருப்பதாகக் கூறினார்.

ஆனால் வானவேடிக்கை ரத்து செய்யப்பட்டால், அது $98 மில்லியன் அளவுக்கு பொருளாதார பாதிப்பை ஏற்படுத்தும் என்று கூறப்படுகிறது. இந்த விவகாரம் தொடர்பில் விரிவான விளக்கமளித்துள்ள வெப்,

சிட்னி நகரத்தை விட்டு வெளியேறுவது என்பது ரயில்கள் உட்பட போக்குவரத்துக்கான அணுகலை அடிப்படையாகக் கொண்டது, மேலும் ரயில்கள் கிடைக்காவிட்டால் மற்றும் மக்கள் நகரத்தை விட்டு வெளியேற முடியாத சூழல் ஏற்பட்டால், அது காவல்துறைக்கு அதிக நெருக்கடியை ஏற்படுத்தும் என்றார்.

பொதுமக்களை பயமுறுத்துகிறது
ஒவ்வொரு ஆண்டும் சுமார் 250,000 மக்கள் நகருக்குள் நுழந்து, புத்தாண்டு கொண்டாட்டம் முடிந்து பத்திரமாக வெளியேறி வருகின்றனர். இதனால் தற்போதைய நெருக்கடியான சூழலில் வானவேடிக்கையை ரத்து செய்ய அரசுக்கு பரிந்துரை செய்வேன் என்றார்.

இதனிடையே, கரேன் வெப் தெரிவித்துள்ள கருத்துக்கு கடும் எதிர்ப்பு தெரிவித்துள்ள RTBU மாகாண செயலாளர் டோபி வார்ன்ஸ், சர்ச்சையைத் தீர்க்க முயற்சிப்பதற்குப் பதிலாக அரசாங்கம் குழப்பத்தை ஏற்படுத்த முயற்சிப்பதுடன் பொதுமக்களை பயமுறுத்துகிறது என்றார்.