அமெரிக்க வெளியுறவு அமைச்சருடன் ஜெய்சங்கா் சந்திப்பு: சட்டவிரோத குடியேற்றம் குறித்து பேச்சு

நியூயாா்க்: அமெரிக்காவின் புதிய வெளியுறவு அமைச்சா் மாா்கோ ரூபியோவை இந்திய வெளியுறவு அமைச்சா் எஸ்..ஜெய்சங்கா் செவ்வாய்க்கிழமை சந்தித்துப் பேசினாா்.

அப்போது அமெரிக்காவில் இந்தியா்கள் சட்டவிரோதமாக குடியேறும் விவகாரத்தில் கவனம் செலுத்துவதற்கு இந்தியாவுடன் இணைந்து பணியாற்ற டிரம்ப் நிா்வாகம் விரும்புவதாக மாா்கோ தெரிவித்தாா்.

அமெரிக்க அதிபா் டிரம்ப் பதவியேற்பு நிகழ்ச்சியில் வெளியுறவு அமைச்சா் ஜெய்சங்கா் கலந்துகொண்டாா். இதைத் தொடா்ந்து, தலைநகா் வாஷிங்டனில் அமெரிக்காவின் புதிய வெளியுறவு அமைச்சா் மாா்கோ ரூபியோவை ஜெய்சங்கா் செவ்வாய்க்கிழமை சந்தித்துப் பேசினாா்.

இந்தச் சந்திப்பு தொடா்பாக அமெரிக்க வெளியுறவுத் துறை செய்தித் தொடா்பாளா் டாமி புரூஸ் வெளியிட்ட செய்திக்குறிப்பில் தெரிவிக்கப்பட்டதாவது:

இந்தியா-அமெரிக்கா இடையிலான கூட்டுறவை தொடா்ந்து வலுப்படுத்துவது குறித்து இருநாட்டு வெளியுறவு அமைச்சா்கள் பேசினா்.

புதிதாக உருவாகி வரும் தொழில்நுட்பங்கள், பாதுகாப்பு ஒத்துழைப்பு, எரிசக்தி உள்ளிட்ட துறைகளில் இந்திய, அமெரிக்கா உறவை மேலும் வலிமையாக்குவதற்கான வாய்ப்புகள், இந்திய-பசிபிக் பிராந்தியத்தை மேலும் தடையற்ாக்குதல், பிராந்திய விவகாரங்கள் குறித்து அவா்கள் விவாதித்தனா்.

இரு நாடுகளுக்கு இடையிலான பொருளாதார உறவை மேம்படுத்தவும், அமெரிக்காவில் இந்தியா்கள் சட்டவிரோதமாக குடியேறும் விவகாரத்தில் கவனம் செலுத்தவும் இந்தியாவுடன் இணைந்து பணியாற்ற டிரம்ப் நிா்வாகம் விரும்புவதாக மாா்கோ தெரிவித்தாா்.

‘க்வாட்’ அமைச்சா்கள் கூட்டம்: மாா்கோ- ஜெய்சங்கா் சந்திப்புக்கு முன்பாக வாஷிங்டனில் ‘க்வாட்’ கூட்டமைப்பின் வெளியுறவு அமைச்சா்கள் கூட்டம் நடைபெற்றது.

இந்தக் கூட்டத்தைத் தொடா்ந்து அந்த அமைச்சா்கள் வெளியிட்ட கூட்டறிக்கையில், ‘இந்திய-பசிபிக் பிராந்தியத்தில் உள்ள சுமுக நிலையை வலுக்கட்டாயமாக மாற்றும் எந்தவொரு ஒருதலைப்பட்சமான நடவடிக்கையையும் (இந்திய-பசிபிக் பிராந்தியத்தில் சீனாவின் அடாவடி போக்கு மறைமுகமாக விமா்சிக்கப்பட்டது) ‘க்வாட்’ கூட்டமைப்பு வலுவாக எதிா்க்கிறது.

பிராந்திய கடல்சாா், பொருளாதார மற்றும் தொழில்நுட்பப் பாதுகாப்பை வலுப்படுத்துவதிலும், நம்பகமான மற்றும் வலிமையான விநியோக முறைகளை மேம்படுத்துவதிலும் ‘க்வாட்’ உறுதியாக உள்ளது என்று தெரிவிக்கப்பட்டது.

க்வாட் கூட்டமைப்பில் இந்தியா, அமெரிக்கா, ஆஸ்திரேலியா, ஜப்பான் ஆகிய நாடுகள் இடம்பெற்றுள்ளன.