டிரம்ப்பின் புதிய அறிவிப்பு எதிரொலி: பதிலடி நடவடிக்கைகளை நிறுத்திவைத்தது ஐரோப்பிய யூனியன்

சா்வதேச நாடுகள் மீது அமெரிக்க அதிபா் டொனால்ட் டிரம்ப் விதித்துள்ள பரஸ்பர வரி 90 நாள்களுக்கு நிறுத்திவைக்கப்படுவதாக அறிவிக்கப்பட்டதன் எதிரொலியாக, அந்த வரி விதிப்புக்கான பதிலடி நடவடிக்கைகளை ஐரோப்பிய யூனியனும் நிறுத்திவைத்துள்ளது.

இது குறித்து, அந்த அமைப்பின் பொருளாதார விவகாரங்களை கவனித்துக் கொள்ளும் ஐரோப்பிய யூனியனின் தலைவா் உா்சுலா வொண்டொ் வியாழக்கிழமை கூறியதாவது:

நாடுகள் மீதான பரஸ்பர வரி விதிப்பின் அமலாக்கத்தை 90 நாள்களுக்கு நிறுத்திவைப்பதற்கான டிரம்ப்பின் அறிவிப்பு எங்கள் கவனத்துக்கு வந்தது. அதையடுத்து, அந்த வரி விதிப்புக்கு பதிலடி நடவடிக்கைகள் மேற்கொள்வதை நாங்களும் 90 நாள்களுக்கு நிறுத்திவைக்கிறோம்.

இருந்தாலும், இந்த இடைப்பட்ட நேரத்தில் அமெரிக்காவுடன் நடைபெறும் பேச்சுவாா்த்தை திருப்திகரமாக இல்லையென்றால் பரஸ்பர வரி விதிப்புக்கான பதிலடி நடவடிக்கைளை நாங்கள் நிச்சயம் மேற்கொள்வோம் என்று அவா் எச்சரித்தாா்.

‘அமெரிக்க நலன்களுக்கே முன்னுரிமை’ என்ற கோஷத்துடன் கடந்த ஆண்டு நவம்பரில் நடைபெற்ற தோ்தலை எதிா்கொண்டு வெற்றி பெற்ற டொனால்ட் டிரம்ப், நாட்டின் அதிபராக ஜனவரி 20-ஆம் தேதி பொறுப்பேற்றாா். அதிலிருந்தே, தனது தோ்தல் பிரகடனத்தை முன்னெடுத்துச் செல்லும் வகையில் பல்வேறு அதிரடி உத்தரவுகளை அவா் பிறப்பித்து வருகிறாா்.

அதன் ஒரு பகுதியாக, இந்தியா உள்ளிட்ட நாடுகள் தங்களுக்கு எந்தெந்த விகிதங்களில் வரி விதிக்கின்றனவோ, அதே விகிதங்களில் அந்த நாடுகளின் பொருள்கள் மீதும் (சற்று தள்ளுபடியுடன்) வரி விதிப்பதாக டிரம்ப் கடந்த வாரம் அறிவித்து அவா் அதிா்வலையை ஏற்படுத்தினாா்.

அப்போது அவா் வெளியிட்டுள்ள பட்டியலின்படி, சீன பொருள்கள் மீது 34 சதவீதம் கூடுதல் வரி அறிவிக்கப்பட்டது.

இதற்கு கடும் கண்டனம் தெரிவித்த சீனா, பதிலுக்கு அமெரிக்க பொருள்கள் மீது கூடுதலாக 34 சதவீத வரி விதிக்கப்படும் என்றும், ஏப். 10-ஆம் தேதி அது அமலுக்கு வரும் என்றும் அறிவித்தது. அதையடுத்து, சீன பொருள்கள் மீது மேலும் 50 சதவீதம் வரி விதிப்பதாக டிரம்ப் அறிவித்தாா். இதன் மூலம், டிரம்ப்பின் இரண்டாவது ஆட்சிக் காலத்தில் மட்டும் சீன பொருள்கள் மீது விதிக்கப்பட்டுள்ள கூடுதல் வரி விகிதம் 104 சதவீதமாக அதிகரித்தது.

இதற்குப் பதிலடியாக, ஏப். 10-ஆம் தேதி அமலுக்கு வரவிருக்கும் 34 சதவீத கூடுதல் வரி விதிப்பை 84 சதவீதமாக சீனா தற்போது உயா்த்தியுள்ளது. இதற்கு பதிலடியாக சீனாவுக்கு 145 சதவீதம் வரி வதிப்பதாக டிரம்ப் அறிவித்தாா்.

எனினும், சீனாவைத் தவிர பிற நாடுகள் மீது அறிவிக்கப்பட்டுள்ள பரஸ்பர வரி விதிப்பின் அமலாக்கத்தை 90 நாள்களுக்கு நிறுத்திவைப்பதாக அமெரிக்கா புதன்கிழமை அறிவித்தது. அதன் எதிரொலியாக, அமெரிக்காவுக்கான பதிலடி நடவடிக்கைகளை தாங்களும் நிறுத்திவைப்பதாக ஐரோப்பிய யூனியன் தற்போது அறிவித்துள்ளது.