பெண்களின் தங்கச் சங்கிலிகளை திருடிவந்தவர் சிக்கினார் !!

நுகேகொட குற்றத்தடுப்புப் பிரிவினரால் மிரிஹான – உடஹமுல்ல பிரதேசத்தில் மேற்கொள்ளப்பட்ட சுற்றிவளைப்பில், பெண்களின் தங்கச் சங்கிலிகளை திருடிவரும் நபர் கைது செய்யப்பட்டுள்ளார்.

தங்கச் சங்கிலிகளை திருடுவதற்குப் பயன்படுத்தப்படும் மோட்டார் சைக்கிளும் இதன்போது பொலிஸாரால் கைப்பற்றப்பட்டுள்ளது.

கைது செய்யப்பட்ட 32 வயதுடைய சந்தேகநபரிடம் மேற்கொள்ளப்பட்ட விசாரணைகளில் இருந்து கிரிபத்கொட, ராகம ஆகியப் பிரதேசங்களில் பெண்களின் தங்கச் சங்கிலிகளை கொள்ளையிட்டுள்ளமை தெரியவந்துள்ளது. மேலும் சந்தேகநபரால் கொள்ளையடிக்கப்பட்ட பல பொருள்களையும் பொலிஸார் கைப்பற்றியுள்ளனர்.

முல்லேரியா பகுதியில் இரு பெண்களிடமிருந்து இரு தங்க சங்கிலிகளைக் கொள்ளையிட்ட சம்பவம் தொடர்பில், சந்தேகநபருக்கு எதிராக அளுத்கடை நீதவான் நீதிமன்றில் இரு வழக்குகள் உள்ளதாகவும் பொலிஸார் தெரிவிக்கின்றனர்.