` சிறுவர் ஆபாசப்படங்களின் விநியோகம்` அதிகரிப்பு; அதிர்ச்சியில் பெற்றோர் !!

ஜேர்மனியில் ‘சிறுவர் ஆபாச படங்களின் விநியோகமும் அதிகரித்திருப்பதாக வெளியாகியுள்ள செய்தி அந்நாட்டுப் பெற்றோர் இடையே பெரும் அதிர்ச்சியை ஏற்படுத்தியுள்ளது.

ஜேர்மனியில் கடந்த 2020 ஆம் ஆண்டை விட 2021 ஆம் ஆண்டில் 108.8 % சிறுவர்களின் ஆபாச பட விநியோகம் அதிகரித்திருப்பதாக அந்நாட்டின் வருடாந்திர குற்ற புள்ளி விபர அறிக்கையில் குறிப்பிடப்பட்டுள்ளது.

இந்நிலையில் இது குறித்துக் கருத்துத் தெரிவித்த ஜேர்மனியின் உட்துறை அமைச்சர் நான்சி ஃபேசர் ” பயங்கரமாக அதிகரித்திருக்கும் சிறுவர் பாலியல் குற்றங்களை தடுக்க வேண்டிய நடவடிக்கைகளை மேற்கொள்ள தனக்கு ஆணைபிறப்பிக்கப்பட்டுள்ளது” எனத் தெரிவித்துள்ளார்.

எனினும் ஜேர்மனியில் கடந்த 2017-ஆம் ஆண்டிலிருந்து குற்றங்கள் குறைந்திருப்பதாகவும் குறிப்பாக வன்முறை, குற்றங்கள் 6.8 சதவீதம் குறைந்துள்ளதாகவும் தெரிவிக்கப்பட்டுள்ளது.