ஜனாதிபதி விடுத்துள்ள வேண்டுகோள் !!

பொருட்களுக்கு தட்டுப்பாடு ஏற்படாத வகையில் அனைத்து அத்தியாவசிய உணவுப் பொருட்களையும் போதுமான அளவு இருப்பு வைத்துக்கொள்ள நடவடிக்கை எடுக்குமாறு ஜனாதிபதி கோட்டாபய ராஜபக்ஷ சம்பந்தப்பட்ட அதிகாரிகளுக்கு பணிப்புரை விடுத்துள்ளதாக ஜனாதிபதி ஊடகப் பிரிவு தெரிவித்துள்ளது.

சில வர்த்தகர்கள் பொருட்களுக்கு தட்டுப்பாடு இருப்பதாகக் காட்டி விலையை அதிகரிக்கச் செய்யும் திட்டமிட்ட முயற்சிகளை இதன் மூலம் தடுக்க முடியும் என ஜனாதிபதி சுட்டிக்காட்டினார்.

வர்த்தகம், வர்த்தகம் மற்றும் உணவுப் பாதுகாப்பு தொடர்பான சவால்களுக்கு விரைவான தீர்வு காண்பது தொடர்பான கலந்துரையாடல் நேற்று (02) கொழும்பில் உள்ள ஜனாதிபதி மாளிகையில் நடைபெற்ற போது ஜனாதிபதி இதனைத் தெரிவித்தார்.

மொத்த சந்தைக்கு வினியோகிக்கப்படும் விவசாய விளைபொருள்களில் ஒரு பகுதியை நேரடியாக கிராம சந்தைக்கு வழங்க வேண்டும்.

இதன் மூலம் போக்குவரத்துச் செலவு குறைவதோடு, கிராமப்புற நுகர்வோர் குறைந்த விலையில் பொருட்களை கொள்வனவு செய்வதற்கும் விவசாயிகளுக்கு அதிக விலையை பெற்றுக் கொள்வதற்கும் சந்தர்ப்பம் கிடைக்கும் என ஜனாதிபதி தெரிவித்தார்.

நிலவும் சூழ்நிலையைப் பயன்படுத்தி நியாயமற்ற விலையில் வர்த்தகம் செய்பவர்களுக்கு எதிராக சட்ட நடவடிக்கை எடுக்குமாறு நுகர்வோர் விவகார அதிகார சபைக்கு ஜனாதிபதி பணிப்புரை விடுத்துள்ளார்.

நாடளாவிய ரீதியில், சதொச மற்றும் கூட்டுறவு விற்பனை நிலையங்களை செயற்படுத்துவது மற்றும் அத்தியாவசிய உணவுப் பொருட்களின் விலைகளை வர்த்தகர்களின் விருப்பத்திற்கு ஏற்ப விலை நிர்ணயம் செய்ய இடமளிக்காமல் கட்டுப்படுத்துவது தொடர்பில் நீண்ட கலந்துரையாடல் இடம்பெற்றது.