10 கிலோ கஞ்சா, புகையிலை பறிமுதல்..!!

ஜார்கண்ட் மாநிலம் தன்பாத் இருந்து கேரளா செல்லும் ஆலப்புழா ரெயிலில் கஞ்சா கடத்தி வருவதாக சேலம் ரெயில்வே போலீசாருக்கு தகவல் வந்தது. இதையடுத்து சிவசெந்தில்குமார் தலைமையில் போலீசார் சப்-இன்ஸ்பெக்டர் பால முருகன், ராமன்,கண்ணன், சங்கர் ஆகியோர் இன்று காலை ரெயிலில் சோதனை செய்தனர்.

அப்போது பொதுப்பெட்டியில் ஒரு பை கேட்பாரற்று கிடைந்தது. அந்த பையை சோதனை செய்தபோது பண்டல்களில் 5 கிலோ கஞ்சா இருப்பது கண்டுபிடிக்கப்பட்டது. அதே போல் அதே பெட்டியில் லக்கேஜ் வைக்கப்பட்ட இடத்தில் மற்றொரு பேக் கிடந்தது.அதை பார்த்த போது தடைசெய்யப்பட்ட 5 கிலோ புகையிலை இருந்தது. இதையடுத்து அதை பறிமுதல் செய்து போலீஸ் நிலையத்துக்குக் கொண்டு சென்றனர். பின்னர் அந்த பை யாருடையது? கஞ்சா மற்றும் புகையிலை கடத்தி வந்த நபர்கள் யார்? என்பது குறித்து போலீசார் தீவிரமாக விசாரணை நடத்தி வருகின்றனர்.