அதிரடி அப்டேட்களுடன் முற்றிலும் புது ஏர்பாட்ஸ் ப்ரோ இந்தியாவில் அறிமுகம்..!!

ஐபோன் 14, ஆப்பிள் வாட்ச் சீரிஸ் 8 வரிசையில் ஆப்பிள் நிறுவனம் முற்றிலும் புதிய ஏர்பாட்ஸ் ப்ரோ மாடலையும் அறிமுகம் செய்து இருக்கிறது. புதிய ஆப்பிள் வயர்லெஸ் இயர்பட்ஸ் அதன் அளவுக்கு அதிக தரமுள்ள ஆடியோ அனுபவத்தை வழங்குகிறது. புது இயர்பட்ஸ் தோற்றத்தில் முந்தைய மாடலை போன்றே காட்சியளிக்கிறது. எனினும், இதன் உள்புற அம்சங்களில் ஏராளமான மாற்றங்கள் செய்யப்பட்டுள்ளன. புதிய ஏர்பாட்ஸ் ப்ரோ மாடலில் உள்ள H2 பிராசஸர் இருமடங்கு மேம்பட்ட ஆக்டிவ் நாய்ஸ் கேன்சலேஷன், டிரான்ஸ்பேரன்சி மோட் மற்றும் ஸ்பேஷியல் ஆடியோ வசதிகளை வழங்குகிறது. இத்துடன் டச் கண்ட்ரோல் வசதி வழங்கப்பட்டு உள்ளது. இதை கொண்டு பாடல்களை மாற்றுவது, வால்யும் அட்ஜஸ்ட் செய்வது உள்ளிட்டவைகளை மேற்கொள்ளலாம். புது இயர்பட்ஸ் உடன் வழங்கப்படும் சார்ஜிங் கேஸ் சிறிய ஸ்பீக்கர் கொண்டிருக்கிறது.

ஆப்பிள் ஏர்பாட்ஸ் ப்ரோ அம்சங்கள்:

ஹை டைனமிக் ரேன்ஜ் ஆப்ளிபையர் கொண்ட ஆப்பிள் டிரைவர்

ஆக்டிவ் நாய்ஸ் கேன்சலேஷன்

ப்ளூடூத் 5.3 வயர்லெஸ் கனெக்டிவிட்டி

தனித்துவம் மிக்க ஸ்பேஷியல் ஆடியோ மற்றும் டைனமிக் ஹெட் டிராக்கிங்

இன் கேஸ் ஸ்பீக்கர், கான்வெர்சேஷன் பூஸ்ட், பிரெசிஷன் ஃபைண்டிங்

அடாப்டிவ் டிரான்ஸ்பேரன்சி, அடாப்டிவ் இகியூ

ஆப்பிள் H2 பிராசஸர்

சார்ஜிங் கேசில் ஆப்பிள் U1 சிப்

அதிகபட்சம் 6 மணி நேரத்திற்கான பிளேபேக் டைம்

மேக்சேப் சார்ஜிங் கேஸ் சேர்த்தால் அதிகபட்சம் 30 மணி நேரத்திற்கான பிளேடைம்

ஐந்து நிமிட சார்ஜில் ஒரு மணி நேரம் பயன்படுத்தும் வசதி

விலை மற்றும் விற்பனை விவரங்கள்:
புதிய ஏர்பாட்ஸ் ப்ரோ மாடலின் முன்பதிவு செப்டம்பர் 9 ஆம் தேதி துவங்குகிறது. விற்பனை செப்டம்பர் 23 ஆம் தேதி துவங்குகிறது. இதன் விலை ரூ. 26 ஆயிரத்து 900 ஆகும்.

https://www.maalaimalar.com/technology/techfacts/apple-to-stop-selling-iphones-without-charger-in-brazil-509241?infinitescroll=1