சபாநாயகர் தலைமையில் விசேட கலந்துரையாடல்!!

அரசியலமைப்பு சபைக்கு சிவில் பிரதிநிதிகளை நியமிப்பது தொடர்பில் இன்று (01) விசேட கலந்துரையாடல் இடம்பெறவுள்ளதாக சபாநாயகர் மஹிந்த யாப்பா அபேவர்தன தெரிவித்துள்ளார்.

Zoom தொழில்நுட்பத்தின் ஊடாக இன்று பிற்பகல் கலந்துரையாடல் இடம்பெறவுள்ளதாக சபாநாயகர் குறிப்பிட்டுள்ளார்.

இந்த கலந்துரையாடலில் பிரதமர் தினேஷ் குணவர்தன மற்றும் எதிர்க்கட்சித் தலைவர் சஜித் பிரேமதாச ஆகியோர் இணைந்து கொள்ள உள்ளனர்.

அரசியலமைப்பு பேரவைக்கு சிவில் பிரதிநிதிகளை நியமிப்பது தொடர்பாக கடந்த 29 ஆம் திகதி இடம்பெற்ற கலந்துரையாடல் இணக்கப்பாடு இன்றி நிறைவடைந்தது.

21 ஆவது அரசியலமைப்பு திருத்தத்தின் மூலம் ஸ்தாபிக்கப்பட்ட அரசியலமைப்பு சபை 10 உறுப்பினர்களை உள்ளடக்கியிருக்கும் மற்றும் மூன்று சிவில் பிரதிநிதிகள் நியமிக்கப்படுவார்கள்.

ஏறக்குறைய 120 விண்ணப்பங்கள் பெறப்பட்டுள்ளன, மேலும் மூன்று சிவில் பிரதிநிதிகள் சம்பந்தப்பட்ட விண்ணப்பங்கள் மற்றும் பிற தகுதி வாய்ந்த நபர்களின் ஆய்வுக்குப் பிறகு தேர்ந்தெடுக்கப்பட உள்ளனர்.