ஈரோஸ் வடகிழக்கு, மலையகத்தில் தனித்து போட்டியிடும் – செயலாளர் நாயகம் இரா.பிரபாகரன்!!

By athirady Last updated Jan 9, 2023

நடைபெறவுள்ள உள்ளுராட்சித் தேர்தலில் தமது கட்சி வடகிழக்கு மற்றும் மலையகத்தில் தனித்து போட்டியிடவுள்ளதாக ஈழவர் ஜனநாயக முன்னணியின் (ஈரோஸ்) செயலாளர் நாயகம் இரா.பிரபாகரன் தெரிவித்தார்.

ஒருங்கிணைப்பிற்கான ஒன்றுகூடல் எனும் தலைப்பில் ஈழவர் ஜனநாயக முன்னணியின் செயற்குழு கூட்டம் மட்டக்களப்பில் நடைபெற்றது.

ஈழவர் ஜனநாயக முன்னணியின் செயலாளர் நாயகம் இரா.பிரபாகரன் தலைமையில் நேற்றைய தினம் (08) மாலை கல்லடியில் இடம்பெற்றது.

குறித்த ஒன்றுகூடலின் நிறைவில் ஈழவர் ஜனநாயக முன்னணியின் செயலாளர் நாயகம் இரா.பிரபாகரனினால் ஊடக சந்திப்பொன்று இடம்பெற்றது.

இதன்போது செயலாளர் நாயகம் கருத்து தெரிவிக்கையில்,

எதிர்வரும் தேர்தலில் தமது கட்சி வடகிழக்கு மற்றும் மலையகத்தில் தனித்து போட்டியிடவுள்ளதாகவும்இந்தத் தேர்தல் நடாத்தப்பட வேண்டியதன் முக்கியத்துவம் தொடர்பாகவும் கருத்து தெரிவித்திருந்தார்.