ஜாம் பஜாரில் பீடா கடையில் இருந்து 7 கிலோ போதை சாக்லேட்டுகள் பறிமுதல்- ஒருவர் கைது!!

சென்னை ஜாம் பஜாரில் போதை சாக்லேட்டுகள் விற்பனை செய்யப்படுவதாக தகவல் கிடைத்தது. இதுதொடர்பாக, சம்பவ இடத்திற்கு விரைந்த போலீசார், அங்குள்ள பீடா கடைகளில் சோதனை செய்தனர். அங்கு போதை சாக்லேட்டுகள் விற்பனை செய்து வருவது கண்டுபிடிக்கப்பட்டது.

இதையடுத்து, பீடா கடையில் இருந்து 7 கிலோ போதை சாக்லேட்டுகளை பறிமுதல் செய்து சுரேந்தர் யாதவ் என்பவர் கைது செய்யப்பட்டுள்ளார். இதுதொடர்பாக நடத்திய விசாரணையில், பீகாரிலிருந்து போதை சாக்லேட்டுகளை வரவழைத்து, சென்னையில் சப்ளை செய்து வந்தது அம்பலமாகி உள்ளது.