இந்திய கிரிக்கெட் வீரர் சர்பராஸ் கான் புறக்கணிப்பு- தேர்வுக்குழு மீது கவாஸ்கர் பாய்ச்சல்!!
இந்திய கிரிக்கெட் வீரர் சர்பராஸ் கான் சமீப காலமாக உள்ளூர் போட்டிகளில் சிறப்பான ஆட்டத்தை வெளிப்படுத்தி வருகிறார். அவரை இந்திய அணிக்கு தேர்வு செய்யாதது குறித்து முன்னாள் கேப்டன் கவாஸ்கர் அதிருப்தி தெரிவித்துள்ளார். இது தொடர்பாக அவர் கூறியதாவது:- சர்பராஸ்கான் களத்தில் சதங்கள் அடித்துள்ளார். இது அவர் கிரிக்கெட்டுக்கு தகுதியானவர் என்று உங்களுக்கு சொல்கிறது.
நீங்கள் (தேர்வுக்குழு) ஸ்லிம் வீரர்களை மட்டும் தேடுகிறீர்கள் என்றால் பேஷன் ஷோவுக்கு சென்று சில மாடல்களை தேர்ந்தெடுத்து பிறகு அவர்கள் கையில் ஒரு பேட் மற்றும் பந்தை கொடுத்து அவர்களை சேர்த்து கொள்ளுங்கள். உங்களிடம் எல்லா வடிவங்களிலும் அளவுகளிலும் வீரர்கள் இருக்கிறார்கள். அளவை பார்க்க வேண்டாம். ரன் மற்றும் விக்கெட் எடுப்பதை பாருங்கள். இவ்வாறு அவர் கூறினார்.