வலிகாமம் கிழக்கு பற்றிய நூல் வெளியீடு!!

நீர்வேலியூர் த.பரராஜசிங்கம் எழுதிய வளம் மிகுந்தது வலிகாமம் கிழக்கு என்ற நூலின் வெளியீட்டு விழா 24.02.2023 வெள்ளிக்கிழமை பிற்பகல் 3 மணிக்கு நீர்வேலி வடக்கு கிராம அபிவிருத்திச் சங்க மண்டபத்தில் ஓய்வுநிலை பிரதிக் கல்விப் பணிப்பாளர் இ.குணநாதன் தலைமையில் நடைபெறவுள்ளது.

இந்நிகழ்வில் பிரதம விருந்தினராக யாழ். மேலதிக அரச அதிபர் ம.பிரதீபனும் சிறப்பு விருந்தினராக வலிகாமம் கிழக்கு பிரதேச செயலர் சுபாஜினி மதியழகனும் கௌரவ விருந்தினராக வலிகாமம் கிழக்கு பிரதேச சபைச் செயலாளர் இ. பகீரதனும் கலந்து கொள்வர். நூலின் வெளியீட்டுரையை யாழ் பல்கலைக்கழக சிரேஸ்ட பேராசிரியர் தி.வேல்நம்பியும் மதிப்பீட்டுரையை கோப்பாய் ஆசிரிய கலாசாலை அதிபர் ச.லலீசனும் வழங்குவர்.

புத்தூர் ஸ்ரீ சோமாஸ்கந்த கல்லூரி அதிபர் சி. திரிகரன் மற்றும் அச்சுவேலி மத்திய கல்லூரி அதிபர் கு.ரவிச்சந்திரன் ஆகியோர் வாழ்த்துரைகளை வழங்குவர். நீர்வேலி தெற்கைச் சேர்ந்த சி. சிவலிங்கம் நூலின் முதற்பிரதியைப் பெற்றுக்கொள்வார்.