மதுபான கொள்கை முறைகேடு: மதுபான தொழில் அதிபர் கைது- அமலாக்கத்துறை நடவடிக்கை!!

டெல்லி அரசின் மதுபான கொள்கை முறைகேடு தொடர்பாக சி.பி.ஐ. மற்றும் அமலாக்கத்துறை வழக்கு பதிவு செய்து விசாரணை நடத்தி வருகிறது. சி.பி.ஐ. தாக்கல் செய்த எப்.ஐ.ஆரில் ஆம் ஆத்மி நிர்வாகி விஜய் நாயர், மனோஜ் ராய் உள்ளிட்ட 4 பேர் பெயர் இடம் பெற்று இருந்தது.

இந்த வழக்கு தொடர்பாக டெல்லி துணை முதல்-மந்திரி மணீஷ் சிசோடியா கடந்த ஞாயிற்றுக்கிழமை கைதாகி இருந்தார். இந்த நிலையில் மதுபான கொள்கை முறைகேட்டில் பணபரிவர்த்தனை குற்றச்சாட்டில் மதுபான தொழில் அதிபர் அமன்தீப் தாலை அமலாக்கத்துறை அதிகாரிகள் இன்று கைது செய்தனர். அவர் இன்று கோர்ட்டில் ஆஜர்ப்படுத்தப்படுகிறார்.