கனடிய-அமெரிக்க நடிகரை கவர்ந்த இலங்கையின் பிரதேசம்!!

இலங்கையில் தனக்கு பிடித்த இடம் எதுவென கனடிய-அமெரிக்க நடிகர் ரியான் ரெனால்ட்ஸ் தெரிவித்துள்ளார்.

இதன்படி ஹிக்கடுவ தனக்கு மிகவும் பிடித்த திரைப்பட படப்பிடிப்பு இடம் என அவர் குறிப்பிட்டுள்ளார்.

லண்டனை தளமாகக் கொண்ட தொலைக்காட்சி உரையாடல் நிகழ்ச்சி சனிக்கிழமை நடைபெற்றவேளை அவர் இதனை, தெரிவித்தார்.

இதன்போது இலங்கையில் படமாக்கப்பட்ட தனது முதல் திரைப்படமான “ஆர்டினரி மேஜிக் 1993” பற்றி நடிகர் ரியான் ரெனால்ட்ஸ் பேசியுள்ளார். அவரின் இந்த காணொளியை அகீல் சிர்ராஜ் என்ற நபர் சமூக ஊடகங்கத்தில் பதிவிட்டுள்ளார்.

அதில், “நான் எனது முதல் திரைப்படத்தை இலங்கையில் ஆரம்பித்தேன். இந்த அனுபவம் கவர்ச்சியானது மற்றும் புதிய எல்லைகளுக்கு என் மனதைத் திறந்தது” என்று நடிகர் ரியான் ரெனால்ட்ஸ் கூறினார்.

ரியான் ரெனால்ட்ஸ் அமெரிக்க திரைப்பட நடிகர் என்பதுடன் இவர் திரைப்படங்களில் நகைச்சுவையாளராகவும், திரைப்பட தயாரிப்பாளராகவும், திரைக்கதை எழுத்தாளராகவும் பணியாற்றிவருகிறார்.