முன்னாள் எம்.பி. கொலை வழக்கில் ஜெகன்மோகன் ரெட்டி உறவினர் கைது!!
ஆந்திர முதல்-மந்திரியும், ஒய்.எஸ்.ஆர்.காங்கிரஸ் கட்சியின் தலைவருமான ஜெகன் மோகன் ரெட்டியின் சித்தப்பாவும், முன்னாள் எம்.பி.யுமான விவேகானந்த ரெட்டி 2019-ம் ஆண்டு கொல்லப்பட்டார்.
இந்த நிலையில் இந்த கொலை வழக்கு தொடர்பாக ஜெகன் மோகன் ரெட்டியின் மற்றொரு உறவினரான ஓ.எஸ்.பாஸ்கர ரெட்டியை சி.பி.ஐ. கைது செய்துள்ளது. கடப்பா தொகுதி எம்.பி.யான அவினாஷ் ரெட்டியின் தந்தைதான் ஒய்.எஸ்.பாஸ்கர ரெட்டி ஆவார். இதனால் இந்த கைது ஜெகன் மோகனுக்கு நெருக்கடியை ஏற்படுத்தி உள்ளது.