ஒட்டுமொத்த இந்தியாவும் எனது வீடுதான்- ராகுல் காந்தி!!

காங்கிரஸ் முன்னாள் தலைவர் ராகுல் காந்திக்கு எம்.பி. பதவி மீண்டும் வழங்கப்பட்டதை அடுத்து அவருக்கு துக்ளக் லேன் இல்லத்தை மீண்டும் ஒதுக்க வேண்டும் என்று கோரிக்கை விடப்பட்டது.

இதையடுத்து ராகுல் காந்திக்கு துக்ளக் லேன் இல்லத்தை மீண்டும் வழங்க ஒப்புதல் வழங்கப்பட்டுள்ளது. இதுகுறித்து, காங்கிரஸ் தலைவர்களுடனான சந்திப்பிற்காக அலுவலகம் வந்த ராகுல் காந்தியிடம் செய்தியாளர்கள் கேள்வி எழுப்பினர். அதற்கு ராகுல் காந்தி, ஒட்டுமொத்த இந்தியாவும் எனது வீடுதான் என கூறினார். டெல்லியில் துக்ளக் லேன் பகுதியில் உள்ள 12-ம் எண் பங்களாவில் ராகுல் காந்தி 2004-ம் ஆண்டு முதல் கடந்த மார்ச் மாதம் வரை வசித்து வந்தார் என்பது குறிப்பிடத்தக்கது.