உலக சாதனை படைத்த வெங்காயம் !!

இங்கிலாந்து நாட்டில் ஹரோ கேட் நகரில் இலையுதிர்கால மலர் கண்காட்சியையொட்டி காய்கறி போட்டி நடத்தப்பட்டு வருகிறது. இதில் மிகப்பெரிய அளவிலான காய்கறிகள் மற்றும் மலர்கள் இடம்பெற்றுள்ளன.

இந்நிலையில் இங்கிலாந்து நாட்டின் வடக்கு யார்க்ஷயர் பகுதியை சேர்ந்த தோட்ட விவசாயி கரேத் கிரிபின் என்பவர் தனது தோட்டத்தில் விளைந்த பிரமாண்டமான வெங்காயமொன்றை காட்சிபடுத்தியுள்ளார்.

குறித்த பிரமாண்ட வெங்காயம் 8.97 கிலோ எடை கொண்டதாக இருந்ததுள்ளது, அத்தோடு இந்த வெங்காயம் உலகிலேயே பெரிய வெங்காயம் என்று உலக சாதனை படைத்துள்ளதாக கூறப்படுகிறது.

இதற்கு முன்பு 2014-ம் ஆண்டு 8.4 கிலோவில் பெரிய வெங்காயம் வளர்க்கப்பட்டதே சாதனையாக இருந்ததுள்ளது, இப்போது அந்த சாதனை முறியடிக்கப்பட்டு கிரிபின் தோட்டத்தில் வளர்ந்த வெங்காயத்துடன் போஸ் கொடுத்த புகைப்படங்கள் சமூக வலைதளங்களில் வைரலாகி வருகின்றன.

இதனை பார்வையிட்ட மக்களும் ஆச்சிரியத்தில் ஆழ்ந்துள்ளனர்.