இலங்கையின் ஏற்றுமதி வருமானத்தில் பாரிய வீழ்ச்சி!

இலங்கை சுங்கமானது ஏற்றுமதி வருமானம் குறித்து முக்கியமான அறிவித்தலொன்றினை விடுத்துள்ளது.

அவ்வகையில், செப்டம்பர் 2022 உடன் ஒப்பிடுகையில், 2023 செப்டம்பரில் இலங்கையின் சரக்கு ஏற்றுமதி 11.88% குறைந்து 951.5 மில்லியன் அமெரிக்க டொலர்களாக உள்ளது.

இலங்கை சுங்கத்தால் வெளியிடப்பட்ட தற்காலிக தரவுகளின்படி, இந்த விடயம் வெளியாகியுள்ளது.

ஏற்றுமதி குறைவு
மேலும், ஒகஸ்ட் 2023 இல் பதிவு செய்யப்பட்ட எண்ணிக்கையுடன் ஒப்பிடுகையில் இது 14.94% குறைவாகும்.

குறிப்பாக ஆடைகள், ஜவுளி, மற்றும் ரப்பர் தொடர்பான பொருட்கள், தேங்காய் மற்றும் தேங்காய் தொடர்பான பொருட்கள் ஆகியவற்றின் ஏற்றுமதி குறைந்துள்ளதாக சுட்டிக்காட்டப்பட்டுள்ளது.