நாட்டை உலுக்கிய அதிர்ச்சி சம்பவம் – 14 சிறுவர்களுக்கு HIV தொற்று!

இந்தியாவில் உத்தர பிரதேசத்தில் இரத்தம் ஏற்றிக்கொண்ட 14 சிறுவர்களுக்கு HIV தொற்று ஏற்பட்டள்ளதால் பரபரப்பு ஏற்பட்டுள்ளது.

ரத்தம் ஏற்றிய சிறுவர்கள்
உத்தர பிரதேசத்தில் கான்பூர் நகரில் உள்ள அரசு மருத்துவமனையில் தலசீமியா நோயினால் பாதிக்கப்பட்ட சிறுவர்களுக்கு சிகிச்சை நடந்து வந்துள்ளது.

இதில் 6 முதல் 16 வயதுக்கு உட்பட்ட 14 சிறுவர்களுக்கு தானம் செய்யப்பட்ட ரத்தத்தை செலுத்தியுள்ளனர்.

இந்நிலையில், ரத்தம் ஏற்றப்பட்ட 14 குழந்தைகளுக்கு HIV தொற்று மற்றும் ஹெபடைடிஸ் நோய் இருப்பதாக கண்டறியப்பட்டுள்ளது.

2 பேர் HIV தொற்றாலும் 7 பேருக்கு ஹெபடைடிஸ் பி, 5 பேருக்கு ஹெபடைடிஸ் சி இருப்பதாக தெரியவந்துள்ளது.

மேலும் ரத்தத்தைப் பரிசோதிக்காமல் சிறார்களுக்கு செலுத்தியுள்ளதால் தொடர்ந்து வைத்தியர்களிடம் விசாரணை நடத்தி வருகிறார்கள் என்பது குறிப்பிடத்தக்கது.