கட்டுநாயக்க விமான நிலையத்தில் புதிய வசதி

கட்டுநாயக்க விமான நிலையத்தில் புறப்படும் போது நிலவும் பயணிகளின் போக்குவரத்திற்கு தீர்வாக 8 சுய சேவை டிக்கெட் சரிபார்ப்பு இயந்திரங்கள் (Self Check-in) மற்றும் சுய சேவை பேக்கேஜ் டெலிவரி இயந்திரம் (Bag Drop) என்பன நிறுவப்பட்டுள்ளது.

இந்நிலையில் சுய சேவை டிக்கெட் சோதனை இயந்திரங்கள் மூலம் விமான பயணிகளுக்கான இருக்கை தேர்வு (Seat Selection) , அவர்களின் போர்டிங் பாஸ் அச்சிடுதல் (Boarding Pass Printing) மற்றும் பேக் டேக் பிரிண்டிங் ( Bag Tag Printing ) ஆகிய மூன்று பணிகளை செய்ய முடியும் என தெரிவிக்கப்படுகிறது.

விமான நிலைய கடமைகள்
குறித்த தானியங்கி இயந்திர அமைப்பின் ஊடாக விமானப் பயணிகள் தமது விமான நிலைய கடமைகளை முடித்து 5 நிமிடங்களில் விமானத்திற்குள் பிரவேசிக்க கூடியதாய் இருக்குமென கூறப்படுகிறது.