கடற்றொழிலாளர்களுக்கு வழங்கப்படவுள்ள சலுகை

இலங்கையில் கடற்றொழிலில் ஈடுபடும் பல நாள் படகுகளுக்கு மானிய விலையில் எரிபொருளை வழங்கும் நிகழ்ச்சித் திட்டத்தை தயாரிப்பது தொடர்பாக கடற்றொழில் அமைச்சர் டக்ளஸ் தேவானந்தா மற்றும் இந்திய எண்ணெய் நிறுவனத்தின் (ioc) பிரதிநிதிகளுக்கு இடையில் கடற்றொழில் அமைச்சில் விசேட கலந்துரையாடல் ஒன்று இடம்பெற்றுள்ளது.

இங்கு கருத்து தெரிவித்த இந்திய எண்ணெய் நிறுவனத்தின் (ioc) பிரதிநிதிகள், இலங்கை மீன்பிடி துறைமுகங்களில் உள்ள எரிபொருள் நிரப்பு நிலையங்களுடன், பெற்றோலிய கூட்டுத்தாபனம் எரிபொருள் விநியோக விலையை ஒப்பிட்டு அந்த விலையை விட சலுகை விலையில் எரிபொருளை வழங்க முடியும் என தெரிவித்தனர்.

மேலும், துறைமுகங்களில் உள்ள எரிபொருள் நிரப்பு நிலையங்கள் கனிம எண்ணெய் நிறுவனத்திற்குச் சொந்தமானவை என்பதால், அந்த நிறுவனத்தின் எரிபொருள் நிரப்பு நிலையங்களுக்கு எரிபொருள் வழங்குவதில் முரண்பாடுகள் ஏற்படக்கூடும் என்பதால், மீன்பிடி துறைமுகங்களில் தனி எரிபொருள் நிலையத்தை பராமரிக்க நிறுவனத்திற்கு அனுமதி வழங்கினால், டீசல் எரிபொருள் 351 விலையில் வழங்க முடியும் என பிரதிநிதிகள் குழுவினர் அமைச்சரிடம் சுட்டிக்காட்டினர்.

எரிபொருள் சலுகை
இதன்போது கருத்து தெரிவித்த கடற்றொழில் அமைச்சர் டக்ளஸ் தேவானந்தா, நாட்டில் உள்ள ஒரு நாள் கடற்றொழிலாளர்களைப் போன்று பல நாள் மீனவர்களும் மிகவும் சிரமத்திற்கு உள்ளாகியுள்ளதால் அவர்களுக்கு எரிபொருள் சலுகை வழங்கப்பட வேண்டும்.

இதற்கு இந்தியன் எண்ணெய் நிறுவனத்தின் ஆதரவை எதிர்பார்க்கும் அதே வேளையில், பெற்றோலியக் கூட்டுத்தாபனத்தை மோதலை உருவாக்காமல் சமாளிக்க, எரிபொருள் அமைச்சகத்திடம் இருந்து வழங்கக் கூடிய ஆதரவைப் பெறுவதற்கு தாம் செயற்பட்டு வருவதாகவும் அமைச்சர் கூறினார்.

இந்நிகழ்வில், கடற்றொழில் அமைச்சின் செயலாளர் இந்து ரத்தநாயக்க, இந்திய எண்ணெய் நிறுவனத்தின் பிரதிநிதிகள் மற்றும் கடற்றொழில் திணைக்கள பணிப்பாளர் நாயகம் சுசந்த கஹவத்த ஆகியோர் கலந்துகொண்டனர்.