திருகோணமலையில் முதலை தாக்கியதில் குடும்பஸ்தர் பலி

திருகோணமலை – தம்பலகாமம் காவல்துறை பிரிவுக்குட்பட்ட பகுதியில் மாடு மேய்க்க சென்ற ஒருவர் முதலை கடித்ததில் உயிரிழந்துள்ளார்.

இந்த சம்பவம் பாலம்போட்டாறு ஊத்தவாய்க்கால் ஆற்றுப் பகுதியில் நேற்று (03) இடம்பெற்றதாக தெரிவிக்கப்படுகின்றது.

சிப்பித்திடல் தம்பலகாமத்தை சேர்ந்த 36 வயதுடைய நான்கு பிள்ளைகளின் தந்தையான கே.சசிகுமார் என்பவரே முதலை தாக்குதலுக்கு இலக்காகி உயிரிழந்தார் என காவல்துறையினர் தெரிவித்தனர்.

காவல்துறையினர் விசாரணை
மாடு மேய்க்க சென்ற இருவரில் ஒருவரே ஆற்றில் இவ்வாறு காணாமல் போயுள்ளதாக ஆரம்ப கட்ட விசாரணைகளில் தெரியவந்தது.

இதனையடுத்து பொது மக்கள் தேடுதல் முயற்சியில் ஈடுபட்ட போது உயிரிழந்தவரின் சடலத்தை மீட்டனர்.

பிரேத பரிசோதனைக்காக குறித்த சடலம் திருகோணமலை பொது வைத்தியசாலைக்கு அனுப்பப்பட்டுள்ளதாக தெரிவிக்கப்படுகின்றது.

சம்பவம் தொடர்பான மேலதிக விசாரனைகளை தம்பலகாமம் காவல்துறையினர் முன்னெடுத்துள்ளனர்.