இயேசு பிறந்த இடத்திலேயே நத்தார் பண்டிகை கொண்டாட தடை

இஸ்ரேல் ஹமாஸ் போரினால் நகரில் இவ் வருட கிறிஸ்மஸ் கொண்டாட்டங்கள் தடை செய்யப்பட்டுள்ளதாக தகவல் வெளியாகியுள்ளது.

காசா மீதான தாக்குதல் தொடர்ந்து வருகின்ற நிலையில் காசா பகுதியில் நடந்து வரும் முற்றுகைக்கு மரியாதை செலுத்தும் வகையில் கொண்டாட்டங்கள் தடை செய்யப்பட்டுள்ளதாக கூறப்படுகிறது.

இயேசு கிறிஸ்து பிறந்த நகரமான பெத்லகேம் இஸ்ரேல் மேற்குக் கரையில் அமைந்துள்ளது.

கிறிஸ்தவ தலைவர்களின் முடிவு
பொதுவாக டிசம்பர் பிற்பகுதியில் யாத்ரீகர்கள் மற்றும் பிற கொண்டாட்டக்காரர்களால் நிரம்பி வழியும்.

கிறிஸ்மஸ் நேரத்தில் பெத்லஹேமுக்கு வழக்கமாக தினமும் 6,000 பார்வையாளர்கள் வருவார்கள்.

இத ஒரு மாதத்தில் 1,000 க்கும் குறைவாக குறைந்ததால் தேவாலயம் நடைமுறையில் காலியாக உள்ளதாக தெரிவிக்கப்பட்டுள்ளது.

போரினால் பொது கொண்டாட்டங்களை ரத்து செய்ய கடந்த மாதம் ஒன்றுகூடிய பல பலஸ்தீனிய கிறிஸ்தவ தலைவர்கள் சேர்ந்து இந்த முடிவை எடுத்ததாக கூறப்பட்டுள்ளது.

கிறிஸ்துமஸ் கொண்டாடங்கள் இரத்து
கொவிட் தொற்று காரணமாக இரண்டு ஆண்டுகள் குறைக்கப்பட்ட பண்டிகைகளைத் தொடர்ந்து, 2022 இல் பெத்லஹேகத்தில் கிறிஸ்துமஸ் கொண்டாடப்பட்டது.

இந்நிலையில் இவ் வருட கிறிஸ்துமஸ் கொண்டாடங்கள் இரத்து செய்யப்பட்டுள்ளது குறிப்பிடத்தக்கது.

மேலும், பெத்லகேமில் உள்ள கிறிஸ்தவ தலைவர்கள், இஸ்ரேல் மீது ஹமாஸ் நடத்திய திடீர் பயங்கரவாதத் தாக்குதலைக் கண்டித்துள்ளனர்.

“ஹமாஸின் கொடூரமான தாக்குதல்களை நாங்கள் கண்டிக்கிறோம், இது கிட்டத்தட்ட 1,400 இஸ்ரேலியர்கள் மற்றும் பிற நாடுகளின் குடிமக்களின் உயிரிழப்புகளை ஏற்படுத்தியது, மேலும் பிணைக் கைதிகளாக உள்ள அனைத்து பொதுமக்களையும் உடனடியாக விடுவிக்க நாங்கள் அழைப்பு விடுக்கிறோம்” என்று பெத்லஹேம் மதகுருமார்கள் குழு அதிபர் ஜோ பைடனுக்கு கடிதம் எழுதியது குறிப்பிடத்தக்கது.