திருகோணமலையில் இ.போ.ச மீது தீவைக்க முயன்றதால் பரபரப்பு

திருகோணமலை பிரதேசத்தில் இ.போ.ச பேருந்து மீது தீவைக்க முயன்றதால் பரபரப்பு ஏற்பட்டுள்ளது.

இ.போ.ச பஸ் ஒன்றினால் மோதப்பட்டு ஒருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதாக திருகோணமலை பொலிஸார் தெரிவித்தனர்.

சம்பவத்தில் காயமடைந்தவர் திருகோணமலை பிரதேசத்தை சேர்ந்த 41 வயதுடைய நபராவார். பிரதேசவாசிகள் குறித்த பஸ்ஸிற்கு தீ வைக்க முற்பட்ட போது சம்பவ இடத்திற்கு விரைந்த பொலிஸார் நிலைமையை கட்டுப்படுத்தியுள்ளனர்.

இதனையடுத்து பஸ் சாரதி பொலிஸாரால் கைது செய்யப்பட்ட நிலையில் குறித்த பஸ் வண்டி பொலிஸ் நிலையத்திற்கு கொண்டுவரப்பட்டுள்ளது.

மேலும் சம்பவம் தொடர்பான மேலதிக விசாரணைகளை திருகோணமலை பொலிஸார் மேற்கொண்டு வருகின்றனர். .