இலங்கையின் பிரதான சாலையில் முதியவருக்கு ஏற்பட்ட பரிதாபம்: குற்றவாளிக்கு பொலிஸார் வலைவீச்சு

இலங்கை வவுனியா – திருகோணமலை பிரதான சாலையில் முதியவர் ஒருவர் மர்மமான முறையில் சடலமாக மீட்கப்பட்டுள்ளார்.

முதியவர் சடலமாக மீட்பு
இலங்கையின் வவுனியா – திருகோணமலை பிரதான சாலையில் உள்ள ஹெப்பற்றிப்கொல்லாவ பகுதியில் நேற்று முதியவர் ஒருவரின் சடலம் மர்மமான முறையில் கண்டுபிடிக்கப்பட்டது.

சடலமாக மீட்கப்பட்ட முதியவர் 60 வயது மதிக்கத்தக்கவர் என்று கூறப்படுகிறது.

உயிரிழந்தவரின் அடையாளம் இன்னும் தெளிவாக காணப்படாத நிலையில், அவர் வவுனியா பகுதியை சேர்ந்தவராக இருக்கலாம் என பொலிஸார் சந்தேகம் தெரிவித்துள்ளனர்.

பொலிஸார் விசாரணை
இந்நிலையில் வவுனியா – திருகோணமலை பிரதான சாலையில் ஏற்பட்ட விபத்தில் முதியவர் உயிரிழந்து இருக்கலாம் என்று பொலிஸார் நம்புகின்றனர்.

மேலும் விபத்து ஏற்படுத்திய வாகன சாரதி உடனடியாக அப்பகுதியை விட்டு தப்பிச் சென்று இருப்பதாகவும், அவர் தொடர்பில் எந்தவொரு தகவலும் கிடைக்கவில்லை எனவும் பொலிஸார் தெரிவித்துள்ளனர்.

இது தொடர்பான கூடுதல் விசாரணைகளை ஹெப்பற்றிப்கொல்லாவ பொலிஸார் மேற்கொண்டு வருகின்றனர்.