விண்வெளியில் இருந்து அயோத்தி ராமர் கோவில்: இஸ்ரோ வெளியிட்டுள்ள படங்கள்
விண்வெளியில் இருந்து செயற்கைக்கோள் மூலம் எடுக்கப்பட்ட அயோத்தி ராமர் கோவிலின் புகைப்படங்களை இந்திய விண்வெளி ஆய்வு நிறுவனமான இஸ்ரோ (ISRO)வெளியிட்டுள்ளது.
அயோத்தி ராமர் கோவிலின் கும்பாபிஷேக விழா இன்று (22.1.2024) இடம்பெறவுள்ளது.
இந்நிலையில், ஐதராபாத்தை தளமாகக் கொண்ட இஸ்ரோவின் National Remote Sensing Centre (NRSC) இந்த படங்களை வெளியிட்டுள்ளது.
இஸ்ரோ தொழில்நுட்ப உதவி
இந்த படங்களில், 2.7 ஏக்கரில் கட்டப்பட்டுள்ள ராம ஜென்மபூமி தளமும் கோயிலைத் தவிர, சரயு நதி, தஷ்ரத் மஹால் மற்றும் அயோத்தி தொடருந்து நிலையம் ஆகியவை படங்களில் தெளிவாகத் தெரிகின்றன.
ISRO releases satellite image of Ayodhya Ram Temple. This is historic 🔥🔥 pic.twitter.com/Ca3AJUYVBk
— Times Algebra (@TimesAlgebraIND) January 21, 2024
இந்த படங்கள் 2023 டிசம்பர்16 ஆம் திகதி எடுக்கப்பட்டதாக கூறப்படுகின்றது.
ராமர் கோவில் கட்டும் பணியில் இஸ்ரோவிடமிருந்து தொழில்நுட்ப உதவியும் எடுக்கப்பட்டுள்ளதாக விஷ்வ ஹிந்து பரிஷத்தின் சர்வதேச செயல் தலைவர் அலோக் சர்மா தெரிவித்துள்ளார்.
ராமர் கோவில் கட்டும் போது ராமர் பிறந்ததாக நம்பப்படும் இடத்தில் ராமர் சிலை வைப்பது மிகப்பாரிய சவாலாக இருந்ததுள்ள நிலையில் இதற்கு இஸ்ரோ உதவி அளித்துள்ளது.
கோயிலின் கருவறை மற்றும் சிலை
ராமர் கோயிலைக் கட்டும் கட்டுமான நிறுவன ஒப்பந்ததாரர்கள் உலகளாவிய நிலைப்படுத்தல் அமைப்பை (GPS) பயன்படுத்தினர்.
சுமார் 1-3 செமீ வரையிலான துல்லியமான ஒருங்கிணைப்புகள் தயாரிக்கப்பட்டன. இது கோயிலின் கருவறை மற்றும் சிலை நிறுவப்படுவதற்கு அடிப்படையாக அமைந்தது.
இந்த புவியியல் கருவியில் பயன்படுத்தப்படும் உபகரணங்களில், இஸ்ரோவால் உருவாக்கப்பட்ட Navigation with Indian Constellation (NavIC) செயற்கைக்கோளில் இருந்து location signals அடங்கும்.
பாரம்பரிய நாகரா பாணியில் கட்டப்பட்ட கோயில் வளாகம், 380 அடி நீளம் (கிழக்கு-மேற்கு திசை), 250 அடி அகலம் மற்றும் 161 அடி உயரம் கொண்டது. கோவிலின் ஒவ்வொரு தளமும் 20 அடி உயரம் மற்றும் மொத்தம் 392 தூண்கள் மற்றும் 44 வாயில்கள் கொண்டது என்பது குறிப்பிடத்தக்கது.
