நாரம்மலவில் சுட்டுக்கொல்லப்பட்ட குடும்பஸ்தர்: பொலிஸ் அதிகாரிக்கு நீதிமன்றம் விடுத்த உத்தரவு!

நாரம்மல பகுதியில் குடும்பஸ்தர் ஒருவர் சுட்டுக்கொல்லப்பட்ட சம்பவம் தொடர்பில் கைது செய்யப்பட்ட உப பொலிஸ் பரிசோதகர் எதிர்வரும் 31 ஆம் திகதி வரை விளக்கமறியலில் வைக்கப்பட்டுள்ளார்.

கைது செய்யப்பட்ட உப பொலிஸ் பரிசோதகரை நாரம்மல நீதவான் நீதிமன்றில் இன்று (23-01-2024) ஆஜர்படுத்திய போதே இந்த உத்தரவு பிறப்பிக்கப்பட்டுள்ளது.

கடந்த 18 ஆம் திகதி ரன்முத்துகல, நாரம்மலையில் லொறியை சோதனை செய்து கொண்டிருந்த போது, பொலிஸ் அதிகாரியின் துப்பாக்கிச் சூட்டில் 3 பிள்ளைகளின் தந்தையான 41 வயதான ரொஷான் குமாரதிலக்க என்பவர் உயிரிழந்தார்.

சம்பவம் தொடர்பில் குளியாபிட்டிய குற்றப் புலனாய்வுப் பிரிவினர் மேலதிக விசாரணைகளை மேற்கொண்டு வருகின்றனர்.