இளவரசி கேட்டின் புற்றுநோய் குறித்த தகவலை ஹரி மேகன் தம்பதியருக்கு யாரும் கூறவில்லை: சமீபத்திய தகவல்

பிரித்தானிய இளவரசி கேட் மிடில்டனுக்கு புற்றுநோய் என வெளியாக தகவல் ராஜ குடும்ப நலம் விரும்பிகளையும், பிரித்தானியர்களையும் கடும் அதிர்ச்சியில் ஆழ்த்தியுள்ளது.

இந்த தகவலறிந்த பலரும் உலகின் பல்வேறு பகுதிகளிலிருந்தும் இளவரசி கேட்டுக்கு ஆதரவாக செய்திகளை வெளியிட்டுவருகிறார்கள்.

ஹரி மேகன் தம்பதியருக்கு இளவரசி கேட் குறித்த செய்தியை யாரும் கூறவில்லை
மற்றவர்களைப்போலவே, இளவரசர் ஹரியும் அவரது மனைவியான மேகனும்கூட இளவரசி கேட் விரைவில் குணமடைய வாழ்த்துவதாக அறிக்கை ஒன்றை வெளியிட்டிருந்தார்கள்.

இந்நிலையில், இளவரசி கேட் புற்றுநோயால் பாதிக்கப்பட்ட விடயம் குறித்து ஹரி மேகனுக்கு தெரியப்படுத்தப்படவில்லை என்றும், பொதுமக்களைப்போலவே, இளவரசி கேட்டிற்கு புற்றுநோய் பாதித்துள்ளது குறித்து தொலைக்காட்சி வாயிலாகத்தான் அவர்கள் தெரிந்துகொண்டதாகவும் தற்போது தி டைம்ஸ் பத்திரிகை தெரிவித்துள்ளது.