கிளிநொச்சி மாவட்ட மாற்றுதிறனாளிகளுக்கான மாவட்ட மட்ட தடகள விளையாட்டுப் போட்டி!

சமூக சேவைகள் திணைக்களமும் கிளிநொச்சி மாவட்ட செயலகமும் இணைந்து நடாத்திய மாற்றுதிறனாளிகளுக்கான மாவட்ட மட்ட தடகள விளையாட்டுப் போட்டிகள்(26.03.2024) சிறப்புற நடைபெற்றது.

மாற்றுத்திறனாளிகளின் ஆளுமைகளை வெளிப்படுத்தும் நோக்கில் அவர்களது உடல் உள ஆரோக்கியத்தை மேம்படுத்தும் நோக்கில் குறித்த போட்டித் தொடர் நடைபெற்றது.
கிளிநொச்சி மாவட்ட பதில் அரசாங்க அதிபர் எஸ். முரளிதரன் அவர்களின் தலைமையில் வடமாகாண விளையாட்டுக்கள் கட்டிடத்தொகுதி மைதானத்தில் நடைபெற்றது.
இந்நிகழ்வில் பிரதம விருந்தினராக ஓய்வுநிலை அரசாங்க அதிபர் திருமதி றூபவதி கேதீஸ்வரன் அவர்கள் கலந்து சிறப்பித்தார்.

மேலும் சிறப்பு விருந்தினர்களாக கரைச்சி பிரதேச செயலாளர் த.முகுந்தன், கிளிநொச்சி மாவட்ட தாய்சேய் நல வைத்தியர் வைத்திய கலாநிதி டிறோனி, கிளிநொச்சி மாவட்ட மாற்றுத்திறனாளிகள் அமைப்பின் செயலாளர் ந.யோகராசா ஆகியோருடன் கெளரவ விருந்தினர்களும் கலந்து சிறப்பித்திருந்தனர்.

கிளிநொச்சி மாவட்டத்தில் பிரதேச செயலாளர் ரீதியாக காணப்படுகின்ற மாற்றுத்திறனாளிகள் அமைப்புக்களை சேர்ந்த வீர வீராங்கணைகள் ஆர்வத்துடன் கலந்து கொண்டனர்.
இதன்போது வெற்றிபெற்ற வீர வீராங்கனைகளுக்கு பரிசில்களும், சான்றிதழ்களும் வழங்கி கௌரவிக்கப்பட்டனர்.

இந் நிகழ்வில் மாவட்ட செயலக பதவிநிலை உத்தியோகத்தர்கள், சமூக சேவைகள் திணைக்கள உத்தியோகத்தர்கள், மாவட்ட செயலக உத்தியோகத்தர்கள், நிதி அனுசரணையாளர்கள், பார்வையாளர்கள் எனப் பலரும் கலந்து கொண்டனர்.